Karantinda nimalar bilan shug’ullansa bo’ladi: dam olish kunlari uchun 14 ta g’oya

Uzoq dam olish kunida nima qilish kerakligi haqidagi savol har qachongidan ham dolzarbroq. Teatrlar va restoranlar yopilgan, o’yin-kulgi bekor qilingan va shifokorlar bizdan uyda qolishimizni so’rashyapti. Xafa bo’lmang: siz siz uchun kutilmagan ta’tilni foydali va quvnoq o’tkazishga yordam beradigan mashg’ulotlar ro’yxatini tayyorlab qo’yganmiz.

Karantin so’zi biroz qo’rqinchli tuyuladi, to’g’rimi? Biz uni «ta’til» bilan almashtirishni va unga shunday yondashishni taklif qilamiz: o’zingiz va farzandlaringizni qanday ko’ngil ochar mashg’ulotlar bilan band qilish, dam olish va yangi narsalarni sinab ko’rish haqida o’ylang.

1. Nonushta tayyorlang. Xozir ertalablari xech kim xech qayoqqa shoshilmaydi, demak, nonushta bilan tajriba o’tkazishga vaqt bor. Ertalab oilangiz bilan birga mazali va g’ayrioddiy nonushta sizga yaxshi kayfiyat xadya etadi. Biz sizlarga nonushta uchun granoladan tortib tortgacha tort 9 ta to’yimli nonushta g’oyasini tayyorladik.

2. Keraksiz narsalardan voz keching. Keling tan olamiz: har birimizning uyimizda tashlab yuborilishi kerak bo’lgan narsamiz bor. Eski qog’ozlar, biz bir necha yillar davomida «albatta o’qiyman» deb yurgan kitoblar (baribir o’qimaymiz) vazn yo’qotganimdan keyin kiyaman deb yurgan kiyim (undan ko’ra yangisini sotib olamiz) va yana ko’pgina uyimizda ko’zga ko’rinmay yotgan narsalar. Shuning uchun keling bugun uydagi keraksiz buyumlardan voz kechamiz.

3. Bahoriy uy tozalashni tashkin qiling. Derazalarni yuving va oching – uyni havo bilan to’ldiring. Bundan tashqari, shifokorlar koronavirusning oldini olish uchun tez-tez xonalarni shamollatib turishni tavsiya etadilar. Uydagi mikroblarni bartaraf etish uchun tez-tez namlatta bilan changlarni artib turing. Uy tozalashni bayramga aylantirish uchun Fly ledi usulidan foydalanishingizni maslahat beramiz.

4.Uy jihozlarini joylashuvini o’zgartiring. Bahor – yangilanish davri, qolaversa uyda ozgina o’zgarish zarar qilmaydi. Siz mebelni qayta tartiblashingiz, yangi aksessuarlarni va yorqin ranglarni qo’shishingiz, uy o’simliklarini parvarish qilishingiz mumkin: ularni joyini o’zgartiring, o’zingizga yangi «yashil do’stlar» orttiring.

5.Yangiliklardan dam oling. Eng asosiy xabarlardan xabardormiz, shunday ekan, o’zingiz uchun ma’lumot detoksini tayyorlang: yangiliklarga va kanallarga obunani bekor qiling. Hech bo’lmaganda bir necha kunga.

6.Kompyuter va telefoningiz xotirasini tozalang. Tan oling,keraksiz rasmlar va fayllarni oxirgi marta qachon o’chirib tashlagansiz? Buni qilish vaqti keldi!

7. Bolalar bilan pishiring. Bu juda qiziqarli bo’ladi! Bizda esa kichik yordamchilar bilan tayyorlasa bo’ladgan taomlarning to’liq ro’yxati mavjud.

8. Butun oilani stol atrofiga to’plang. Yaqinlarimiz bilan bemalol tushlik yoki kechki ovqat qilish uchun har doim ham vaqtimiz bo’lavermaydi. Xozir esa buni ilojisi bor. Mazali taomlar , xushbo’y shirinliklar tayyorlang, issiq choy damlang va oila a’zolringiz bilan dildan subat quring. Va, albatta, butun oilani kechki ovqat tayyorlashga jalb qiling, har kim qo’lidan kelgancha yordam bersin.

9. Yangi pleylist yarating. Yangi ijodkorlarni kashf eting, turli janrlarni tinglashga harakat qiling – balkim sizga hech qachon eshitmagan musiqangiz yoqib qolar.

10. O’zingizga yangi mashg’ulot yoki xobbi toping. Maslahatlar: yangi chet tilini o’rganishni boshlashingiz, qanday qilib to’qish va kashta tikishni o’rganishingiz mumkin, bizning onlayn mahorat darslarimiz uchun ro’yxatdan o’tishingiz va ko’plab yangi va foydali narsalarni o’rganishingiz mumkin.

11. Vaqtichog’lik qiling! Karantin bu zerikish uchun sabab emas. Uyda kafe yarating: taomnoma tashkil qiling, stol dizaynini o’zgartiring, bolalarga ofitsiantlar yoki mehmonlar va hatto oshpazlar rolini taklif qiling. Uydagilar uchun teatr tomoshasini tashkil qiling – bolalaringiz bilan ertakka sayohat qiling yoki o’zingiz ertak yarating. Stol o’yinlarini o’ynang, qo’shiqlar kuylang, raqsga tushishni o’rganing, yoki bir-biringiz bilan kompyuter o’yinlari orqali bellashing: asosiysi hamma narsani birgalikda bajarish va biror narsa ish bermasa tashvishlanmaslikni o’rganing.

12. O’zingizga g’amxo’rlik qiling. Yuzingizga va sochlaringizga turli xil niqoblar qiling, xushbo’y hammom qabul qiling, sport bilan shug’ullaning. Aytgancha, bolalar ham sport bilan shug’ullanishi mumkin – birgalikda cho’zilib, mushaklarni yoyib, ertalab oddiy mashqlarni bajaring.

13.Muzey va teatrlarga tashrif buyuring. Ajablanmang – karantin butun dunyoga ta’sir ko’rsatgan payt, siz buni uyingizdan chiqmasdan amalga oshirishingiz mumkin. Luvr muzeyi, Pushkin muzeyi va Ermitajga tashrif buyurishingiz, Vena davlat operasi, Myunxen opera teatri va Mariinskiy teatridagi tomoshalarni tomosha qilishingiz mumkin.

14. Tinchlaning! Biz mamlakatdagi vaziyatga ta’sir ko’rsata olmaymiz, shuning uchun xotirjam bo’ling va shifokorlarning tavsiyalariga amal qiling. Qo’lingizni yuving, do’konlardagi odamlar bilan masofani uzoqroq tuting va uyingizdan bexudaga chiqmang. Uyquingizga ahamiyat bering, erta tongdan suv ichishni odat qiling, ko’proq meva va sabzavotlar tanovvul qiling, biroz vaqtga qahvadan voz keching va kamroq shakar iste’mol qiling.

Karantinga ulgurilmagan ishni bajarish uchun imkonday qarang. Sog’ bo’ling!