Oddiy olmali pirog
Masalliqlar:
-
180 gramm un
-
1,5 choy qoshiq qabartma
-
0,5 choy qoshiq dolchin
-
85 gramm sariyog'
-
175 gramm shakar
-
1 ta tuxum
-
120 millilitr sut
-
2-3 ta olma
Yo’nalishlar
Tayyorlanilishi juda oson, ammo juda mazali, dolchin qo’shib pishirilgan olmali pirog retsepti bilan hoziroq tanishib oling.
Bu retseptda biz xamir uvalanib ketadigan chiqishi uchun nimalar qilish mumkinligi haqida ham gapirib o’tamiz.
Tayyorlaniladigan pirogga taxminan 10 000 so’m pul sarflaniladi.*
*mahsulot narxi manba chop etilgan vaqtgagina amal qiladi.
Masalliqlar:
| 180 gramm un | |
| 1,5 choy qoshiq qabartma | |
| 0,5 choy qoshiq dolchin | |
| 85 gramm sariyog' | |
| 175 gramm shakar | |
| 1 ta tuxum | |
| 120 millilitr sut | |
| 2-3 ta olma |
Tog'orachaga un, dolchin va qabartmani solamiz.
Yaxshilab, iloji bo'lsa venchikda aralashtirib olamiz. Qanchalik yaxshi aralashirsangiz, xamir ham shunchalik silliq chiqadi.
Boshqa kattaroq tog'orachaga xona haroratidagi sariyog' va shakarni solib aralashtirib olamiz.
Mikserda yaxshilab ko'pirtiramiz.
Muhim! Bunday ko'pirtirilgan sariyog' pirogni yanada uvalanuvchan chiqishiga sabab bo'ladi.
Tuxum solib yana ko'pirtiramiz va ustidan sutni solamiz.
Quruq masalliqlarni solamiz va biroz, hammasi birlashguncha aralashtirib olamiz.
Aylanasi 18 sm li qolipga sariyog' surtib, un sepamiz.
Olmani po'stidan archib, parrak-parrak qilib to'g'rab oling.
Maslahat: iloji bo'lsa, olmalarning har xil turlaridan foydalaning, shunda pirrog umuman o'zgacha ta'mda chiqadi.
Xamirni qolipga quyib, ustidan olma bo'lakchalarini terib chiqing.
Ozroq shakar va dolchinni aralashtirib, uni pirogning ustidan seping.
Pirogni 180 C haroratda qizdirilgan gaz pechida avva 10 daqiqa, so'ng haroratni 155 С ga tushirib, 30-40 daqiqa davomida pishirib olamiz.
Agarda pirog ichi pishib, usti uncha qizarmagan bo'lsa, unda haroratni 175-180 ga ko'tarib, 2-3 daqiqa davomida pishiring.
Pirogni qolipda sovuting va keyingina undan ajratib oling.
Muzqaymoq yoki biron bir xushbo'y choy bilan birga dasturxonga torting.
Yangidan yangi retseptlarni bizdan kutib qoling va bizning o'zbek tilidagi telegram kanalimizga albatta a'zo bo'ling.
