Peshtaxtalardagi qiziqarli mahsulotlar: Spice Expertdan tabiiy vanil qalamchalari
![](https://zira.uz/wp-content/uploads/2018/10/struchki-vanili-2.jpg)
Juda noyob mahsulot sanalmish tabiiy vanil qalamchalari endilikda bizning bozorda. Yaqindagina supermarketlarda sotuvga chiqqan bu mahsulot to’g’risida ma’lumot berishga shoshilamiz.
Taassurotlarimiz bilan bo’lishamiz
Vanil – o’ziga xos usulda qayta ishlangan orxideya vanil qalamchalaridir. Uni tropik mamlakatlar – Madagaskar, Yangi Gvineya, Indoneziya va boshqa shu kabi mamlakatlarda yetishtirishadi. O’tgan yili bunday vanillar juda kamayib ketib, ularning narxi juda oshdi. Ammo shunga qaramasdan bunday vanillar Toshkentimizgacha yetib keldi. Bu albatta Spice Expert kompaniyasining mehnatlari samarasi bo’ldi. Albatta bizlar bu day noyob mahsulotdan xarid qilmay o’ta olmadik.
Bu tabiiy vanil kichik o’ramchalardagi sun’iy vanildan yetarli darajada ajralib turar ekan. Qalamchalardagi vanil shirin va xushbo’y isli bo’lib, u shirinlik va ichimliklar tayyorlashda juda qo’l keladi. Bunday qalamchalardan nafaqat pishiriqlar pishirish, balki vanil ekstrakti yoki vanil shakari ham tayyorlash mumkin.
Qadog’i
Vanil qalamchalari shishali uzunchoq idishchalarda qadoqlanilgan bo’lib, qopqog’i metaldan qilingan. Har bir qadog’ida qo’llanmasi bo’lib, unda vanildan to’g’ri foydalanish batafsil yozib o’tilgan.
1 ta qadoqda 1 dona vanil qalamchasi mavjud.
O’ziga xosligi
Spice Expert vanillari yangi uzilgan, yumshiq, pichoqda oson kesiladigan bo’lib, uning mayin isini siz darrov sezasiz. Aytgancha, vanilni aynan shu qadog’ida, qorong’u va salqin joyda saqlash tavsiya etiladi. Vaqt o’tgan sayin vanil yanada xushbo’ylashadi.
Tabiiy vanil vanilindan nafaqat hidi, balki foydali xususiyatlari bilan ham ajralib turadi. Uning asosiy xususiyatlari – kayfiyatni ko’taradi va asablarni tinchlantiradi.
Tarkibi
Tarkibi juda qisqa va lo’nda: tabiiy vanil qalamchasi.
Qayerdan qancha narxga xarid qilish mumkin
Spice Expert vanil qalamchalarini bizlar Korzinka.uz supermarketidan 1 donasini 59 990 so’mga xarid qildik.
Yangidan yangi ma’lumotlarni bizdan kutib qoling va bizning telegram kanalimizga albatta a’zo bo’ling.