Peshtaxtalardagi qiziqarli mahsulotlar: quritilgan pomidorlar

11 Yanvar, 2019

Yangiliklar

Supermarketlar peshtaxtalarida yaqinda bizlarga biroz noodatiy bo’lgan mahsulot – quritilgan pomidorlarga ko’zimiz tushdi. Hozir esa bu qanday mahsulot ekanligi haqida ma’lumot berib o’tamiz.

Taassurotlarimiz bilan bo’lishamiz

Bizlar yangi uzilgan pomidorlardan foydalanishga o’rganib qolganmiz. Shu sabab ham ko’pchilik quritilgan pomidorlar nima uchun kerak, yangi uzilgani bor joyda degan fikrdaliklari hammaga tanish. Ammo aslida esa umuman boshqacha: quritilgan pomidorlar – bu umuman o’zgacha ta’m va hidga ega bo’lgan mahsulotdir.

Masalan, siz maffinlarga yangi uzilgan pomidorlardan ishlata olasizmi? Yoki buterbrod tayyorlashda sharbati oqib ketmasligi uchun qanday yo’l tutasiz? Quritilgan pomidorlar har xil pishiriqlar, qaylalar, quymoqlar, rizottoga solinadi yoki shunchaki o’zini iste’mol qilishadi. Bunday pomidorlar ham o’zida barcha vitaminlar, makro- va mikroelementlarni saqlab, juda foydali hisoblanadi.

Craft Fooddan taqdim etilgan bu mahsulot – quritilgan pomidor aslida qanday bo’lishi kerakligini ko’rsatuvchi sifatli namuna bo’la oladi. Bunday pomidorlarni yangi uzilganidan qiladigan farqini bilish uchun hech bo’lmasa bir marotaba iste’mol qilish kerak deb o’ylaymiz.

Qadog’i

Pomidorlar shishali bankachalarda bo’lib, burama qopqoq bilan yopilgan. Ustidan qog’oz yopishtirilgan bo’lib, unda barcha kerakli ma’lumotlar ko’rsatilgan. Qopqog’ida esa maffinlar tayyorlash retsepti ko’rsatilgan.

Mahsulotning og’irligi 250 gramm.

Ta’mi

Pomidorlar o’simlik yog’lari, ziravorlar va xushbo’y o’tlar bilan juda yaxshi uyg’unlashgan. Bunday pomidorlar go’shtli va baliqli taomlar bilan, salatlar va pitsalarga ham solishga juda qulaydir.

Aytgancha, bunday pomidorlar uzoq muddatgacha saqlanadi.