Peshtaxtalardagi qiziqarli mahsulotlar: «Gurman» Himolay tuzi

2 Oktabr, 2019

Yangiliklar

Barchamiz bilamizki, tuz ovatni shirin chiqishini ta’minlaydigan eng muhim masalliqlardan biri hisoblanadi. Xo’sh, Himolay tuzining odddiy tuzdan farqi nimada ekan? Hozir bilib olamiz!

Ajoyib ko’rinishdagi bankachalarga solingan pushti rangli tuz diqqatimizni tortdi va undan xarid qilishga qaror qildik.

Taassurotlarimiz bilan bo’lishamiz

Bizni avvalambor bu tuz o’zimizning ishlab chiqaruvchilar tomonidan sotuvga qo’yilganligi hayron qoldirdi. Xo’sh, Himolay tuzining oddiy osh tuzidan farqi nimada ekan?

Himolay pushtirang tuzi — toshsifat tuz bo’lib, Pokistondagi Himolay tog’idan qo’lda qazib olinadi. Chiroyli rangidan tashqari bu tuz o’zinig quydagi foydali xususiyatlari bilan tanilgan:

ko’p miqdordagi mikroelementlarni o’zida saqlaydi
butun tanada tuz saqlanishini boshqaradi
ovqatni oshqozon-ichak trakti orqali hazm bo’lishini osonlashtiradi
burun bo’shlig’i va nafas olish organlariga ijobiy ta’sir ko’rsatadi.

Pushti rangli Himolay tuzi oddiy tuzga nisbatan pazandachilikda va taomlarni bezatishda ko’proq ishlatiladi.

Qadog’i

Tuz uzunchoq, chiroyli shisha bankachalarga solingan bo’lib, tuzning ustidagi qopqog’i ostida «maydalagich» ham mavjud. U yirik tuzlarni maydalab berish vazifasini bajaradi. Ustidagi yorlig’ida esa ishlab chiqaruvchi haqida va tuzning tarkibi to’g’risida to’liq ma’lumotlar rus va o’zbek tilida yozib qo’yilgan.

Ichidagi och pushti rangli tuzlar ko’rinib turadi. Tuzning ko’rinishi shu darajada nafiski, u oshxonada hato bezak vazifasini ham bajaradi.

Mahsulotning og’irligi – 200 gramm.

Ta’mi

Tuzning tamini ifodalash biroz g’alati tuyular, ammo u haqiqatdan ham oddiy tuzdan ancha farq qiladi. Mayin tamda bolib, oddiy osh tuziga o’xshab juda sho’r emas. Bunday tuz tayyor taomga sepish uchun ko’proq ishlatiladi.

Tarkibi

Himolay tuzi. Mahsulot 100% tabiiy bo’lib, bu esa uning ustidagi yorlig’ida alohida ko’rsatib o’tilgan. Saqlash muddati ishlab chiqarilgan kundan boshlab 24 oy.