Peshtaxtalardagi qiziqarli mahsulotlar: Nuts cookies pechenyelari

Yeryong’oqli pechenyelar – bu Crafersdan navbatdagi yangilik bo’ldi. Bizlar undan ta’tib ko’rishga qaror qildik va u haqida hoziroq gapirib beramiz.

Taassurotlarimiz bilan bo’lishamiz

Yeryong’oq bo’lakchalariga boy pechenyelar juda ishtahaochar bo’lib, undan tezroq ta’tib ko’rging keladi. Bizlar bu yangi mahsulotdan xarid qilmay, o’ta olmadik.

Yangi damlangan qahva, issiq choy va hatto bir stakan sut bilan birga iste’mol qilishga juda qo’l keladi. O’ramida 12 dona pechenyelar mavjud.

Qadog’i

Bizlar xarid qilgan pechenye standart ko’rinishdagi folgali yelim xaltalarda qadoqlanilgan. Ichidan pechenyelar plastik konteynerga terilgan bo’lib, u pechenyelarning maydalanib ketmasligini ta’minlaydi.

Aytgancha, Crafers do’konlaridan bu pechenyelarni kilolab sotib olish mumkin.

Mahsulotning og’irligi — 180 grammni tashkil etadi.

Ta’mi

Nuts Cookies pechenyelari och rangda bo’lib, ichi va ustiga yeryong’oq bo’laklari sepilgan. Pechenyelar xushbo’y qaymoq-yeryong’oqli ta’mda bo’lib, qarsildoq va tishlaganda uvalanib ketadi.

Pechenyelardan noxush va yog’li ta’m kelmaydi. Mahsulot bizlarga yoqdi va sizlarga ham undan ta’tib ko’rishni tavsiya qilamiz.

Tarkibi

Yuqori navli bug’doy uni, konditerlikkka mo’ljallangan moy, shakar, kartoshka kraxmali, maydalangan qovurilgan yeryong’oq, maydalangan krokant (karamel), yog’sizlantirilgan quruq sut, tuxum kukuni, soya letsitini, iste’mol sodasi, sut kislotasi.

100 gramm mahsulotning energetik qiymati: 470 kKal bo’lib, 7.5 grammini oqsillar, 24 grammini yog’lar, 51 grammini esa uglevodlar tashkil etadi.

Qayerdan qancha narxga xarid qilish mumkin

Bizlar Nuts Cookies pechenyelarini Crafers tarmog’idagi do’konlarining biridan o’ramini 4 300 so’mga xarid qildik.

Yangidan yangi ma’lumotlarni bizdan kutib qoling va bizning telegram kanalimizga albatta a’zo bo’ling.