Kakao to’g’risida qiziqarli ma’lumotlar
Kakao ko’pgina yeguliklarga qo’shiladi: undan har xil ichimliklar tayyorlashadi, pishiriqlarga qo’shishadi, ba’zi bir quyuq taomlarga hatto shokolad ham solishadi. Kelinglar, bunday qiziq mahsulot haqida ba’zi bir qiziq ma’lumotlarga ega bo’lamiz!
1. Кakao ilk marotaba 3500 yil oldin yetishtira boshlangan. Meksikada yashovchi aholi kakao ichimligini juda qadrlashgan va ulardan pul sifatida ham foydalanib, ayirboshlashgan. Kakao so’zma-so’z «xudolar yeguligi» deb tarjima qilinadi.
2. Kakao ichimligi Yevropada ta’qiqlanilgan. Katolik cherkovida kakao ichimligi qonni buzishi mumkinligi va yangi tug’ilgan chaqaloqning teri rangiga nojo’ya ta’sir qiladi deb hisoblanilgan. Ammo Ispaniyada bu ichimlikni e’zozlab faqat qirollarning shohona dasturxoniga tortishgan. Oxir oqibat bu ichimlik Rim Papasining qo’liga tushib, iste’mol qilgan va shundan so’nggina qo’yilgan ta’qiq bekor qilingan.
3. Kakao sog’liq uchun foydali. Kakao kukunidan tayyorlanilgan ichimlik antidepressant hisoblanib, yurak-tomir va asab tizimlarini mustahkamlashga yordam beradi, bronxial astmada ham foydali hisoblaniladi, ishchanlikni oshiradi. Qiziq ma’lumot: meksikalik aholi kakaoni shunchalik qadrlashganki, ularning oxirgi imperatori bir kunda 50 piyola kakao ichimligini ichganligi haqida ma’lumotlar topilgan ekan.
4. Kakao tishlar uchun zararli emas. Olimlar ko’p vaqtdan beri kakao va shokolad tishlar emali uchun zararlimi, kariyesni chaqiradimi yo’qmi bahslashib kelishadi. Natijada, ular shunday xulosaga kelishdiki, kakao kukuni tishlarga zarar yetkazmaydi. Balki ko’p shakarni o’zida saqlovchi shokoladlar ko’proq zararli hisoblanadi. Kakao hatto antibakterial ta’sirga ega bo’lib, shakarning ta’siridan xalos qilish xususiyatiga ega ekan.
5. Kakao qon bosimini tushiradi. Ko’p miqdorda kakaoini o’zida saqlovchi achchiq shokoladdan bir kunda ikkta bo’lakchasi iste’mol qilinsa, ko’tarilgan qon bosim me’yorlashadi.
6. Kakao uchun kengroq idish kerak. Kakao kukunidan tayyorlangan ichimlikdan to’laqonli bahramand bo’lish uchun, uni keng va kattaroq idishlarga solib ichish tavsiya qilinadi. Aytishlaricha, ana shunda haqiqiy shokolad ta’mga erishilar ekan. Kakaoli ichimlikni shirin bo’lmagan pechenyelar va biskvitlar bilan iste’mol qilish tavsiya qilinadi.
7. Kakaodan kosmetologiyada ham foydalanishadi. Kakao tarkibidagi moddalar teriga yaxshi ta’sir ko’rsatib, achinlarni kamaytiradi, terini silliq qiladi va yaralarni bitishini tezlashtiradi.
8. Madeleine – dunyodagi eng qimmat shokoladli konfet. Bir dona shokoladli tryufel 250 dollar turadi va faqatgina buyurtma asosida tayyorlaniladi. U yuqori navli kakao, tryufel yog’i, shakar, qaymoq va vanildan iborat.
Bizni kuzatishda davom eting va yangiliklardan doimo xabardor bo’ling, buning uchun bizning telegram kanalga a’zo bo’ling!
