Do’kon peshtaxtalaridagi mahsulot: Nestledan Nido sutli ichimligi
Zira bugun sizlarga Nestle savdo belgisi nomi ostida ishlab chiqarilgan Nido sutli ichimligi haqida gapirib beradi.
Bizning xodimlar o’zimizda ishlab chiqarilgan yangi mahsulotlarga juda qiziqadi. Bugungi bizning qahramonimiz Nido sutli ichimliklari.
Taassurotlarimiz bilan bo’lishamiz:
Qadog’i
Yorqin sariq rangli “Yangilik” deb yozib qo’yilgan bu mahsulot diqqatni o’ziga tortadi. Ichimlik ikki xil hajmdagi qadoqlarda ishlab chiqarilgan: kichik – 200 millilitrli va katta – 1 litrli. Nido deb yozilgan bu nomning ostida bir necha vitaminlar qayd qilib qo’yilgan.
Tarkibi
Nido ichimligining tarkibiga quyidagilar kiradi: sut, shakar, vitamin va minerallar (temir, rux, selen, B1, B3, B6, B12, A, D3, C vitaminlari va foliy kislotasi) stablizator (karraginan), vanil.
Ozuqaviy qiymati: 100 gramm mahsulot quyidagilarni o’zida saqlaydi: uglevodlar – 8,0 gr; oqsillar – 3,1 gr; yog’lar – 1,8 gr.
Energetik qiymati: – 61 kKal.
Ta’mi
Nido ichimligi xushbo’y vanil ta’mli bo’lib, sutga nisbatan sal to’qroq rangda bo’ladi. Nido o’rtacha shirinlikda bo’lib, me’daga tegmaydi. Ta’mi bolalarga mo’ljallangan quruq sutga o’xshab ketadi. Vitaminlarga boy bu foydali mahsulot barchaga ham to’g’ri kelmaydi. Mahsulot qadog’ida 12 oydan kichi bolalarga berish tavsiya qilinmaydi, deb yozib qo’yilgan.
Qancha va qanday usulda saqlash kerak
Ochilmagan mahsulotni 25°C dan past bo’lmagan haroratda saqlash kerak. Ochilgan mahsulot sovutgichda saqlanadi va ikki kun davomida iste’mol qilish tavsiya qilinadi.
Narxi
Korzinka.uz tarmog’idagi supermarketlarda kichkina qadoqli mahsulot ya’ni 200 ml 2 490 so’m, 1 L esa – 7 890 so’m turadi.
arba.uz internet do’konida 200 ml li mahsulot 2 390 so’m turadi.
Makro tarmog’idagi supermarketlarda kichkina qadoqli mahsulot ya’ni 200 ml 2 490 so’m, 1 L esa – 7 990 so’m turadi.*
Xulosa
Nido sutli ichimligini o’zini iste’mol qilsa ham, yoki qahvaga qo’shib ichsa ham bo’ladi. Bolalarga oddiy sutdan ko’ra bu ichimlik xush yoqadi. Kichkina qadoqli idish birga olib yurishga ham, bolalarga maktabga birga berib yuborishga ham juda qulay.
*Korzinka.uz tarmog’idagi supermarket xodimlariga tasvirga tushirish jarayonida ko’maklashganlari uchun minnatdorchilik bildiramiz!
*Mahsulot narxlari manba chop etilgan vaqtdagina amal qiladi.
Yangidan yangi ma’lumotlarni bizdan kutib qoling va bizning telegram kanalimizga albatta a’zo bo’ling.
