Peshtaxtalardagi qiziqarli mahsulotlar: mikro ko’katlar
Supermarketlar peshtaxtalarida Greeny o’zimizda ishlab chiqaruvchilar tomonidan yangi mahsulot – mikro ko’katlar sotuvga qo’yildi. Ular nima va qayerdan xarid qilish mumkinligi haqida ma’lumot beramiz.
Taassurotlarimiz bilan bo’lishamiz
Mikro, ya’ni kichkina hajmdagi ko’katlar butun dunyo miqyosida kundan-kunga ommalashib bormoqda. Ularni salatlar, sho’rvalar, garnirlar, koktel va smuzilarga solishadi. Ularni supermarketlardan xarid qilish yoki uy sharoitida gultuvaklarda o’stirish mumkin.
Xo’sh, mikro ko’katlar o’zi nima? Bu karam, rukkola, daykon, salat bargi va boshqa o’simliklarning endi unib chiqqan yangi poyachalaridir. U o’zida С, Е, К vitaminlarini, minerallar, makro- va mikroelementlarni saqlaydi.
Aynan ana shu yangi unib chiqqan ko’katlar juda foydali hisoblanadi.
Qadog’i
Mikro ko’katlar plastik konteynerlarga solingan bo’lib, ular hammasi toza bo’lib, qayta yuvish shart emas. Bizlar ko’katlarning 3 xilidan xarid qildik:
- kungaboqar ko’katlari – 100 gramm;
- qizil karam ko’katlari – 30 gramm;
- daykon ko’katlari – 30 gramm.
Ta’mi
Bunday mikro ko’katlar ichida eng foydalisi qizil karam va daykon ko’katlari hisoblanar ekan. Aynan ularda vitaminlar, minerallar va antioksidantlar miqdori juda yuqori ekan. Mikro ko’katlar zararli xolesteringa qarshi kurashib, shlaklardan tozalaydi va salomatlikni bir maromda ushlab turishga ko’maklashadi.
Xo’sh, ta’mi-chi? Ko’pgina mikro ko’katlar xushbo’y, ammo sal taxirroq ta’mga ega.
Kungaboqar poyachalari mayin ta’mda bo’lib, yegandan so’ng og’izda yog’li va biroz taxirroq ta’m qoldiradi. Qizil karam ko’kati esa tetiklashtiruvchi ajoyib ta’mda. Daykon ko’katchalari achchiqroq ta’mda bo’lib, turpga ham o’xshab ketadi.
Qayerdan qancha narxga xarid qilish mumkin
Greenydan taqdim etilgan mikro ko’katlarni bizlar Makro supermarketidan quyidagi narxga xarid qildik:
- kungaboqar mikro ko’katchalari — 10 990 so’mga 100 grammli o’rami;
- qizil karam mikro ko’kati — 13 990 so’mga 30 grammli o’rami;
- daykon mikro ko’katchalari – 10 990 so’mga 30 grammi.
Yangidan yangi retseptlarni bizdan kutib qoling va bizning telegram kanalimizga albatta a’zo bo’ling.
