Vidioretsept: yaponcha chizkeyk
Masalliqlar:
-
250 gramm qaymoqli pishloq
-
60 gramm sariyog'
-
100 ml sut
-
6 tuxum
-
40 gramm bug'doy uni
-
40 gramm makkajo'xori kraxmali
-
150 gramm shakar
-
1 o'ram vanil shakari
-
15 ml limon sharbati
-
bir chimdim tuz
Yo’nalishlar
Yaponcha chizkeyk paxtadek chizkeyk deb ham ataladi, chunki u boricha juda yengil, pufakchali va mayindir.
Dono yaponlar har doimgidek murakkab vaziyatdan chiqish yo’lini topishdi. Ular ma’zali, ammo juda kaloriyali chizkeykni yanada xushta’m ammo ancha yengil taomga aylantirishdi. Yaponcha chizkeykni tayyorlash uchun bir necha qoidalarga amal qilish lozim:
Tuxumlar xona haroratida bo’lishi kerak. Ularni ko’pirtirganda yanada hajmi oshadi.
Tuxum oqlarini me’yoridan ortiq ko’pirtirmang! Ular mayin ko’pikchalar holatiga kelgunicha ko’pirtirilishi kerak, aks holda chizkeyk kutgandagidek pufakchali bo’lib pishmaydi.
Chizkeyk bug’li suv ustida pishirilishi lozim. Shu yo’l bilan darz ketishlarning oldi olibadi. Tayyor chizkeyk gaz pechida sovushi lozim. Agar u issiq pechdan tashqariga olinsa, darrov puchayib qoladi.
Masalliqlar:
| 250 gramm qaymoqli pishloq | |
| 60 gramm sariyog' | |
| 100 ml sut | |
| 6 tuxum | |
| 40 gramm bug'doy uni | |
| 40 gramm makkajo'xori kraxmali | |
| 150 gramm shakar | |
| 1 o'ram vanil shakari | |
| 15 ml limon sharbati | |
| bir chimdim tuz |
Masalliqlarning barchasini muzlatgichdan 30 daqiqa oldin olib qo'yamiz.
Diametri 22-24 sm bo'lgan qolipning ichi va chetlariga sariyog' surtib, ustidan pishirish uchun maxsus qog'ozni qo'yamiz. Qog'ozimiz qolipning yuzasidan 4-5 santimetrga chiqib turishi lozim.
Chizkeyk suv bug'ida pishiriladi.Germetikligini saqlab, suv tushishini oldini olish uchun qolipning ichini bir necha qavat zarqog'oz bilan qoplaymiz.
Chuqur idishda mikser yoki ko'pirtirgich yordamida qaymoqli pishloq, xona haroratida erigan sariyog' va 50-60 daraja issiqlikdagi sutni ko'pirtiramiz.
Tuxumlarning oqini sarig'idan ajratamiz.
Sutli massamiz bir ko'rinishga kelgach, bittalab tuxum sarig'ini qo'shib, aralashtiramiz.
Aralashmaga vanil shakari va limon sharbatini qo'shamiz.
Elangan bug'doy uni va makkajo'xori kraxmalini aralashmaga solib, bir massaga kelgunicha atalaymiz.
Alohida idishda tuxum oqiga biroz tuz solib, mikser yordamida ko'pirtiramiz. Bulutdek ko'pikchalar hosil bo'lgach, asta-sekinlik bilan shakarni qo'shamiz. Barcha shakar solingach, mikserning eng yuqori tezligida qattiq ko'pik bo'lgunicha ko'pirtiramiz.
Ko'pirtirilgan tuxum oqini birinchi aralashmamizga ohistalik bilan uch bosqichda qo'shib boramiz. Qo'shish davomida tuxum oqi va aralashma mussga o'xshash bir xil, pufakchali massaga aylanadi. So'ng uni qolipga quyamiz.
Chizkeyk solingan qolipni undan biroz kattaroq, uchdan bir qismi qaynoq suv bilan to'ldirilgan boshqa qolipga solamiz.
Chizkeyk avval 160 daraja issiqlikda qizib turgan gaz pechida 30 daqiqa, so'ng 145 darajadagi pechda 50-60 daqiqa davomida pishadi. Chizkeyk yaxshi ko'tarilishi va usti chiroyli qizarishi lozim.
Kerakli vaqt o'tgach, chizkeykni o'chirilgan gaz pechida yana 10 daqiqaga qoldiramiz. So'ng suvli qolipni olib tashlab, pechning eshigini ochgan holda yana 15-20 daqiqaga qoldiramiz.
Chizkeykni olib, 20 daqiqa davomida sovutamiz. Keyin chizkeykning orqasini o'girib, qog'ozlardan bo'shatib, yana oxirigacha sovutamiz.
Yoqimli ishtaxa!
Yangidan yangi retseptlarni bizdan kutib qoling va bizning telegram kanalimizga albatta a'zo bo'ling.
Masalliqlar:
| 250 gramm qaymoqli pishloq | |
| 60 gramm sariyog' | |
| 100 ml sut | |
| 6 tuxum | |
| 40 gramm bug'doy uni | |
| 40 gramm makkajo'xori kraxmali | |
| 150 gramm shakar | |
| 1 o'ram vanil shakari | |
| 15 ml limon sharbati | |
| bir chimdim tuz |
