Videoretsept: «Kinder» sutli bo’lakchasi
Masalliqlar:
-
Biskvitiga:
-
4 ta tuxum
-
1.5 choy qoshiq suyuq asal
-
70 gramm shakar
-
1 choy qoshiq vanilin
-
1 osh qoshiq suv
-
25 gramm kakao
-
45 gramm un
-
Asosiga:
-
180 gramm quyultirilgan sut
-
10 gramm jelatin
-
60 millilitr ivitish uchun suv
-
350 gramm 35 %li yog'li qaymoq
Yo’nalishlar
Oila a’zolaringiz, ayniqsa kichkintoylarni biror bir mazali yegulik bilan siylashni istasangiz, uni o’sha mashhur «kinder» sutli bo’lakchalardan tayyorlab bering.
Mazali va original ko’rinishga ega, shokoladli biskvit va mazali sufledan iborat bo’lgan shirinlik katta-yu kichikka birdek yoqishi aniq.
Tayyorlaniladigan yegulikka taxminan 30 000 so’m sarf qilinadi.*
*narxi manba chop etilgan vaqtgagina amal qiladi.
Masalliqlar:
Biskvitiga: |
|
| 4 ta tuxum | |
| 1.5 choy qoshiq suyuq asal | |
| 70 gramm shakar | |
| 1 choy qoshiq vanilin | |
| 1 osh qoshiq suv | |
| 25 gramm kakao | |
| 45 gramm un | |
Asosiga: |
|
| 180 gramm quyultirilgan sut | |
| 10 gramm jelatin | |
| 60 millilitr ivitish uchun suv | |
| 350 gramm 35 %li yog'li qaymoq | |
Xona haroratidagi tuxumlarni oqini sarig'idan ajratib olamiz.
Tuxum oqini yumshoq ko'pik hosil bo'lguniga qadar ko'pirtirib olamiz, so'ng 35 gramm shakardan solib, mikser quvvatini ko'paytiramiz va qattiq shu bilan birga yaltiroq ko'pik hosil bo'lguncha yaxshilab ko'pirtirib olamiz.
Ko'piritirilgan tuxum oqini chetga olib qo'yamiz.
Tuxum sarig'i ustidan qolgan shakar, suv, asal, vanilinni solamiz va 5-6 daqiqa tinmasdan yaxshilab ko'pirtirib olamiz.
Ko'pirtirilgan tuxum sarig'ini oqining ustidan solib, oshxona "lopatkasi" yordamida pastdan tepaga qaratib, ehtiyotkorlik bilan aralashtirib olamiz.
Ustidan un va kakaoni elab solamiz va tezda, shu bilan birga ehtiyotkorlik bilan aralashtirib olamiz.
Gaz pechi patnisiga pergament qog'oz to'shab ustidan xamirni solamiz va ustini tekislab chiqamiz.
180-190 C darajada oldindan qizdirilgan gaz pechiga qo'yib, 10 daqiqa davomida pishirib olamiz.
Sufleni tayyorlab olamiz
Jelatinni 5-10 daqiqa suvga ivitib qo'yamiz.
60 gramm qaymoqni gazga qo'yib, qizdirib olamiz (lekin qaynatmaymiz). Ustidan bo'ktirilgan jelatinni solib, to'liq erigunga qadar aralashtirib olamiz. Agar jelatin to'liq erimasa, unda yana gazga qo'yib, biroz qizdiramiz.
Qaymoqli aralashmaga quyultirilgan sutni solib, aralashtirib olamiz.
Qolgan 290 gramm qaymoqni yaxshilab ko'pirtirib olamiz.
Qaymoqni jelatinli aralashma ustidan solib, mikser yordamida yaxshilab ko'pirtirib olamiz. Natijada yengil mussimon ko'rinishdagi aralashma hosil bo'ladi.
Tayyor mussni 5 daqiqa (undan ko'p emas) biroz quyuqlashishi uchun sovutgichga olib qo'yamiz.
Sovigan biskvitni chetlarini kesib, tekislab olamiz va o'zini teng ikki qismga bo'lamiz.
Biskvitning bir bo'lagiga ayamasdan mussdan solamiz va tekislab chiqamiz.
Ustidan ikkinchi biskvitni qo'yamiz va biroz ustidan bosamiz. Oziq-ovqat pelyonkasiga o'rab, bir necha soatga sovutgichga olib qo'yamiz. Sufle biskvitga yaxshilab yopishishi uchun masalan, ustidan taxtakach qo'yamiz.
Muss yaxshilab qotgandan so'nggina uni olib, kichik bo'lakchalarga kesib chiqamiz.
Yoqimli ishtaha!
Telegram kanalga a'zo bo'ling: Maselko
Reklama huquqi asosida.
Masalliqlar:
Biskvitiga: |
|
| 4 ta tuxum | |
| 1.5 choy qoshiq suyuq asal | |
| 70 gramm shakar | |
| 1 choy qoshiq vanilin | |
| 1 osh qoshiq suv | |
| 25 gramm kakao | |
| 45 gramm un | |
Asosiga: |
|
| 180 gramm quyultirilgan sut | |
| 10 gramm jelatin | |
| 60 millilitr ivitish uchun suv | |
| 350 gramm 35 %li yog'li qaymoq | |
