fbpx
Videoretsept: Olmali roll-pay

Videoretsept: Olmali roll-pay

Masalliqlar:

  • Xamiriga:

  • Olmali asosiga:

  • Sariyog'li asosiga:

Yo’nalishlar

Olma va dolchin solib pishiriladigan ajoyib piroglardan tayyorlash uchun aynan bir kun yoki bayramni kutish shart emas. Ta’mi hech kimni e’tiborsiz qoldirmaydigan bu pirogdan tayyorlab, har kuningizni bayramga aylantiring.

Noodatiy ko’rinishdagi roll-pay tayyorlash jarayoni juda ham qiziq.

Tayyorlaniladigan pishiriqqa taxminan 20 000 soʻm sarf qilinadi.*

*narxi manba chop etilgan vaqtgagina amal qiladi.

Masalliqlar:

Xamiriga:
270 gramm un
3 osh qoshiq shakar
bir chimdim tuz
225 gramm margarin
5-7 osh qoshiq muzdek suv
ustiga surtish uchun tuxum sarig'i-sut
Olmali asosiga:
6-7 dona olma
3 osh qoshiq sariyog'
1 choy qoshiq maydalangan dolchin
50-70 gramm shakar
3 osh qoshiq makkajo'xori kraxmali
Sariyog'li asosiga:
7 osh qoshiq o'simlik-sariyog'li yog'
2 osh qoshiq dolchin
Qadam 1
Tugallandi

Idishga un, shakar va tuzni solamiz.

Qadam 2
Tugallandi

To'rtburchak qilib to'g'ralgan sariyog'ni solamiz.

Qadam 3
Tugallandi

Qo'lda ishqalab, unsimon holatga keltiramiz.

Qadam 4
Tugallandi

Oz-ozdan muzdek suvdan solib, xamir qoramiz.

Qadam 5
Tugallandi

Xamirni yelim xaltaga solib, 1 soat, agar iloji bo'lsa bir kechaga sovutgichga olib qo'yamiz.

Qadam 6
Tugallandi

Asosini tayyorlaymiz

Olmalarni po'stidan archib olamiz va xohlagan shaklda to'g'rab olamiz.

Qadam 7
Tugallandi

Qozonchaga sariyog'ni solib eritamiz. Olmalarni solib 2-3 daqiqa qovurib olamiz.

Ustidan shakar va dolchinni solamiz. Yana biroz qovuramiz.

Kraxmalni solib, aralashtiramiz, gazdan olib sovutamiz.

Qadam 8
Tugallandi

Sariyog'li asosi uchun sariyog' bilan dolchinni aralashtirib olamiz.

Qadam 9
Tugallandi

Xamirni olib, teng ikkiga bo'lamiz.

Qadam 10
Tugallandi

Stol ustiga un sepib, xamirlarni 40x35 sm kattalikda yoyib olamiz.

Qadam 11
Tugallandi

Xamirlarga sariyog'-dolchinli aralashmadan surtib chiqamiz.

Qadam 12
Tugallandi

Xamirni ruletga o'xshatib o'raymiz va 10 daqiqaga muzlatgichga olib qo'yamiz.

Qadam 13
Tugallandi

Xamirning bittasini olib, 1 sm qalinlikdagi bo'laklarga kesib chiqamiz.

Qadam 14
Tugallandi

Aylanasi 22 sm li qolip olib, osti va chetlariga kesilgan xamirlarni terib chiqamiz va ustidan qo'lda biroz bosib chiqamiz.

Qolipni olib, muzlatgichga qo'yamiz.

Qadam 15
Tugallandi

Ikkinchi xamir bo'laklarini esa pergament qog'oz ustiga aylana shaklda terib chiqamiz, ustidan o'qlovda bir bosib chiqamiz.

Qadam 16
Tugallandi

So'ng muzlatgichdagi xamir solingan qolipni olamiz, ustiga asosdan solamiz.

Qadam 17
Tugallandi

Ustidan yoyilgan xamirni pergament qog'oz bilan olib, pirog ustini yopamiz.

Qadam 18
Tugallandi

Ustidan sariyog' bilan aralashtirilgan sutni surtib, shakar sepamiz.

Qadam 19
Tugallandi

Avval 220 C darajada qizdirilgan gaz pechida 10 daqiqa, so'ng haroratni 175 C ga tushirib, 60 daqiqa davomida pishiramiz. Yoqimli ishtaha!

Telegram kanalga a'zo bo'ling: Maselko

Reklama huquqi asosida.

Muallif: Sitora

  • O’rtacha

Share it on your social network:

Or you can just copy and share this url

Masalliqlar:

Xamiriga:
270 gramm un
3 osh qoshiq shakar
bir chimdim tuz
225 gramm margarin
5-7 osh qoshiq muzdek suv
ustiga surtish uchun tuxum sarig'i-sut
Olmali asosiga:
6-7 dona olma
3 osh qoshiq sariyog'
1 choy qoshiq maydalangan dolchin
50-70 gramm shakar
3 osh qoshiq makkajo'xori kraxmali
Sariyog'li asosiga:
7 osh qoshiq o'simlik-sariyog'li yog'
2 osh qoshiq dolchin
oldingi
Qisqichbaqa tayoqchalaridan salat
keyingi
Xamir bo’lakchalari solib pishirilgan tovuq sho’rva

Izohingizni yozib qoldiring

Qo'shimcha imkoniyatlarga ega bo'lish uchun saytdan ro'yxatdan o'ting.