Qulupnayli murabbo
Masalliqlar:
-
1 kilo qulupnay
-
1 kilo shakar
-
2 osh qoshiq limon sharbati
Yo’nalishlar
Qulupnalar chiqqan mavsumda undan murabbo tayyorlab olishga ulguring. Murabbo mazali va chiroyli chiqishi uchun esa ba’zi bir narsalarga e’tibor qaratishingiz lozim bo’ladi.
Biz ham qulupnayli murabbo tayyorladik, retsepti bilan esa hoziroq bo’lishamiz.
Murabbo tayyorlashga taxminan 15 000 so’m sarflaysiz.*
*narxi manba chop etilgan vaqtgagina amal qiladi.
Masalliqlar:
| 1 kilo qulupnay | |
| 1 kilo shakar | |
| 2 osh qoshiq limon sharbati |
Qulunayni dumchalaridan ajratib, yaxshilab yuvib olamiz.
Murabbo uchun iloji boricha kichikroq qulupnaylardan foydalanamiz.
Qulupnaylarni sirlangan tog'oraga solib, ustidan shakar sepamiz va 4-6 soatga qoldiramiz.
Bu vaqt mobaynida u sharbatini ajratib chiqaradi.
So'n tog'oracjani past olovga qo'yib, qaynash darajasiga yetkazamiz. Tagi olmasligi uchun har zamon aralashtirib turamiz.
Murabbo qaynashni boshlagan zahoti, unga limon sharbatini solamiz va qoshiq bilan aralashtiramiz.
Limon sharbati murabboni me'daga tegishini oldini oladi.
Qaynash boshlanganidan so'ng murabboni 5 daqiqa qaynatasiz, bunda muntazam ustidagi ko'pikni olib turamiz.
So'ng murabboni chetga olib sovutamiz va ustini dasturxon yoki sochiq bilan yopib qo'yamiz.
Murabboni oxirigacha soviguniga qadar, taxminan 10 soat qoldiramiz.
Muhim! Murabboni 3 marta 5 daqiqadan qaynatib olamiz. Bu qulupnaylar o'z shaklini yo'qotmay, pyurega aylanmasligi uchun qilinadi.
Murabbo uchinchi marotaba 5 daqiqa qaynaganidan so'ng, uni sterillangan bankaga solamiz va qopqog'ini yopamiz.
Murabboni qorong'u va salqin joyda saqlang.
Yangidan yangi retseptlarni bizdan kutib qoling va bizning telegram kanalimizga albatta a'zo bo'ling.
Masalliqlar:
| 1 kilo qulupnay | |
| 1 kilo shakar | |
| 2 osh qoshiq limon sharbati |
