fbpx
Pomidor va ismaloq qo’shib tayyorlanilgan pasta

Pomidor va ismaloq qo’shib tayyorlanilgan pasta

Taomlari:

Masalliqlar:

Yo’nalishlar

Har kuni go’shtli taomlar tayyorlashdan charchadingizmi? Unda bugungi retseptimizga nazar tashlang. Go’shtsiz, ammo juda mazali taom!

Bu taomni tayyorlash sizdan ko’p vaqt va masalliqni talab qilmaydi.

Masalliqlar:

Portsiya:
400 gramm xohlagan turdagi pasta
2 bog' ismaloq
500 gramm pomidor cherry
1 bosh piyoz
2-3 tishcha sarimsoqpiyoz
ta'bga qarab tuz va murch
1 choy qoshiq quritilgan rayhon
70 gramm qattiq pishloq
qovurish uchun o'simlik yog'i
2 osh qoshiq zaytun moyi
Qadam 1
Tugallandi

Pastani "al-dente" usulida qaynatib olamiz, ya'ni o'rtasi sal qattiqroq bo'lishi kerak. Biz bugungi taom uchun farfalle pastasidan foydalanamiz.

Qadam 2
Tugallandi

Tovani gazga qo'yamiz, yog'ni solib qizdiramiz.

Mayda to'g'ralgan piyoz va sarimsoqpiyozni solib, 30 soniya davomida qovuramiz.

Qadam 3
Tugallandi

So'ng cherry pomidorlarini teng ikkiga bo'lamiz (agar ular juda kichkina bo'lsa butunligicha solamiz) va tovaga solib, 3-4 daqiqa dimlab qo'yamiz.

Qadam 4
Tugallandi

Ismaloqni yuvib, uchini kesamiz va tovaga solamiz.

Tuz va murchini rostlaymiz va rayhonni ham solamiz.

Qadam 5
Tugallandi

Ustidan pastani solib aralashtiramiz va 30 soniyadan so'ng gaz ustidan olamiz.

Qadam 6
Tugallandi

Likopchaga solib, ustidan pishloqni qirg'ichdan o'tkazib sepamiz va mazali ta'mdan bahramand bo'lamiz. Yoqimli ishtaha!

Yangidan yangi retseptlarni bizdan kutib qoling va bizning telegram kanalimizga albatta a'zo bo'ling.

Muallif: Sitora

  • 30 daqiqa
  • Portsiya 4
  • Oddiy

Share it on your social network:

Or you can just copy and share this url

Masalliqlar:

Portsiya:
400 gramm xohlagan turdagi pasta
2 bog' ismaloq
500 gramm pomidor cherry
1 bosh piyoz
2-3 tishcha sarimsoqpiyoz
ta'bga qarab tuz va murch
1 choy qoshiq quritilgan rayhon
70 gramm qattiq pishloq
qovurish uchun o'simlik yog'i
2 osh qoshiq zaytun moyi
oldingi
Videoretsept: Chak-chak
keyingi
Tovuqli kapkeyklar

Izohingizni yozib qoldiring

Qo'shimcha imkoniyatlarga ega bo'lish uchun saytdan ro'yxatdan o'ting.