Videoretsept: «Bantik» bulochkalari
Masalliqlar:
-
200 millilitr iliq suv
-
200 millilitr iliq sut
-
200 millilitr o'simlik yog'i
-
10 gramm quruq xamirturush
-
5 gramm tuz
-
20 gramm shakar
-
2 ta tuxum
-
ustiga surtish uchun tuxum sarig'i+sut
-
850 gramm un
Yo’nalishlar
Bolalaringizni mazali, o’ziga xos bantik shaklidagi bulochkalar bilan ajablantiring. Ular xamirturushli xamiridan tayyorlanadi. Bulochkalr juda havodor, yumshoq va mayin bo’lib chiqadi.
Ushbu bulochkalarni bolalarga maktabga olib borish yoki tushdan keyin sut bilan snek sifatida berish mumkin.
Tayyor taomning taxminiy narxi – 18 000 so’m. *
*narxi manba chop etilgan vaqtgagina amal qiladi.
Yangidan yangi retseptlar bilan birinchilardan bo’lib tanishishni xohlasangiz, unda bizning telegram kanalimizga albatta a’zo bo’ling.
Masalliqlar:
| 200 millilitr iliq suv | |
| 200 millilitr iliq sut | |
| 200 millilitr o'simlik yog'i | |
| 10 gramm quruq xamirturush | |
| 5 gramm tuz | |
| 20 gramm shakar | |
| 2 ta tuxum | |
| ustiga surtish uchun tuxum sarig'i+sut | |
| 850 gramm un |
Idishga iliq sut, suv, o'simlik yog'i, tuz, shakar va tuxum solib, aralashtiramiz.
Hosil bo'lgan massaga oz-ozdan un solib, yumshoq xamir qoramiz.
Tayyor xamirni yopishqoq plyonka bilan yopib, issiq joyga 1 soatga yuboramiz.
Oshgan xamirni 80 gramm keladigan bo'laklarga bo'lamiz.
Har bir bo'lakni kengligi 0,3 sm keladigan dumaloq shaklda yoyamiz (yoyilgan xamirning diametri 14-15 smni tashkil etishi kerak).
So'ngra uni videoda ko'rsatilganidek bantik shaklida tugamiz.
Bulochkalarni pergament qog'ozi bilan qoplangan gaz pechi patnisiga terib chiqib, ustiga tuxum sarig'i va sutli aralashmani surtamiz.
180 C darajada qizdirilgan gaz pechiga 20 daqiqaga yuboramiz.
Yoqimli ishtaha!
Masalliqlar:
| 200 millilitr iliq suv | |
| 200 millilitr iliq sut | |
| 200 millilitr o'simlik yog'i | |
| 10 gramm quruq xamirturush | |
| 5 gramm tuz | |
| 20 gramm shakar | |
| 2 ta tuxum | |
| ustiga surtish uchun tuxum sarig'i+sut | |
| 850 gramm un |
