Shakarli qiyomga botirilgan oddiy pryaniklar
Masalliqlar:
-
125 millilitr smetanayog'liligi foizining ahamiyati yo'q
-
300-320 gramm un
-
1 dona tuxum sarig'i
-
1 osh qoshiq o'simlik yog'i
-
125 gramm shakar
-
8 gramm qabartma
-
ta'bga qarab tuz
-
ta'bga qarab dolchin, zanjabil va muskat yong'og'i
-
Shakarli qiyomiga:
-
1 dona tuxum oqi
-
50 millilitr suv
-
150 gramm shakar upasi
Yo’nalishlar
Bu eng oson tayyorlaniladigan va haqiqiy mazali ta’mli pryaniklar tayyorlashning to’g’ri retseptidir. O’zingiz tayyorlab ko’ring va bunga guvoh bo’ling.
Smetanada qoriladigan bu pryanik xamiri hech qanday qiyinchiliklarsiz tez va oson tayyorlanib, shakl berish ham sizni umuman qiynamaydi.
Bu pryaniklarni tayyorlashda o’z ta’bingizdan kelib chiqib, har xil ziravorlarni solishni unutmang. masalan, muskat yong’og’i, dolchin, zanjabil va gvazdika.
Tayyorlaniladigan yegulikka taxminan 9 000 so’m sarf qilinadi.*
*narxi manba chop etilgan vaqtgagina amal qiladi.
Masalliqlar:
| 125 millilitr smetana | |
| 300-320 gramm un | |
| 1 dona tuxum sarig'i | |
| 1 osh qoshiq o'simlik yog'i | |
| 125 gramm shakar | |
| 8 gramm qabartma | |
| ta'bga qarab tuz | |
| ta'bga qarab dolchin, zanjabil va muskat yong'og'i | |
Shakarli qiyomiga: |
|
| 1 dona tuxum oqi | |
| 50 millilitr suv | |
| 150 gramm shakar upasi | |
Idishga xona haroratidagi smetana, shakar, tuz, o'simlik yog'i va tuxum sarig'ini solib, mikser yoki venchikda biroz ko'pirtirib olamiz.
Bunda ular silliq holatga kirishi, shakar esa erib ketishi lozim.
Elagan 300 gramm unni qabartma va ziravorlar bilan aralashtirib olamiz. Ziravorlarni ta'bingizga qarab tanlaysiz va ulardan hech bo'lmasa birini soling, aks holda bu pryanik bo'lmay qoladi.
Smetanali aralashma ustidan unni solamiz va yumshoq, biroz yopishqoq xamir qorib olamiz. Ana shu jarayonda xamir holatiga qaraysiz, agarda u juda yopishqoq bo'lsa, qolgan unni ham solasiz.
Xamirdan yong'oq kattaligidek aylana shakllar yasab, pergament qog'oz ustiga terib chiqamiz. Ular pishish jarayonida qabartma hisobiga ham shishishi sabab ham orasiga joy qoldiramiz.
180 C darajada qizigan gaz pechida 25-30 daqiqa davomida pishirib olamiz.
Gugurt donasi yordamida pishgan-pishmaganligini tekshirib ko'ramiz: agar u quruq chiqsa, demak pishgan hisoblanadi.
Shakarli qiyom tayyorlab olamiz
100 gramm shakar upasini suv bilan aralashtirib, gazga qo'yamiz.
Qaynash boshlangandan so'ng, 1-2 daqiqa qaynatib olamiz.
Tuxum oqi va qolgan shakar upasini mikser bilan yaxshilab ko'pirtirib olamiz.
Merenga va issiq qiyomni birlashtirib, yaxshilab aralashtirib olamiz.
Pishgan pryaniklarni qiyomga botirib olamiz, so'ng gaz pechi panjarasiga terib, xona haroratida 3-5 soatga qoldiramiz.
Undan so'ng esa yangi choy damlab, mehnatimiz samarasini dasturxonga tortamiz.
Yoqimli ishtaha!
Yangidan yangi retseptlarni bizdan kutib qoling va bizning telegram kanalimizga albatta a'zo bo'ling.
Masalliqlar:
| 125 millilitr smetana | |
| 300-320 gramm un | |
| 1 dona tuxum sarig'i | |
| 1 osh qoshiq o'simlik yog'i | |
| 125 gramm shakar | |
| 8 gramm qabartma | |
| ta'bga qarab tuz | |
| ta'bga qarab dolchin, zanjabil va muskat yong'og'i | |
Shakarli qiyomiga: |
|
| 1 dona tuxum oqi | |
| 50 millilitr suv | |
| 150 gramm shakar upasi | |
