Olmali povidloli pishiriq
Masalliqlar:
-
200 gramm sariyog'
-
1 ta tuxum
-
130 gramm shakar
-
330 gramm un
-
0.5 choy qoshiq iste'mol sodasi
-
10 gramm vanilin
-
400 gramm olmali yoki o'rikli quyuq povidlo
Yo’nalishlar
Povidlo surtiladigan pishiriqlarning ko’pchilikka bolaligini eslatadigan sevimli pishiriqlaridan biri bo’lsa kerak! Bunday shirinlik issiqina choy bilan tortilsa juda yaxshi ketadi.
Bunday pishiriqlar 2-3 kungacha yaxshi saqlanib, kundan-kunga yumshab, yanada mazaliroq ta’mga kiradi.
Tayyorlaniladigan yegulikka taxminan 30 000 so’m pul sarflanadi.*
*narxi manba chop etilgan vaqtgagina amal qilinadi.
Masalliqlar:
| 200 gramm sariyog' | |
| 1 ta tuxum | |
| 130 gramm shakar | |
| 330 gramm un | |
| 0.5 choy qoshiq iste'mol sodasi | |
| 10 gramm vanilin | |
| 400 gramm olmali yoki o'rikli quyuq povidlo |
Xona haroratida yumshagan sariyog'ni shakar va vanil shakari bilan yaxshilab ko'pirtirib olamiz.
Tuxum va iste'mol sodasini solib, yana ozroq ko'pirtiramiz.
Unni elab solamiz va xamir qorib olamiz. Xamir biroz yopishqoqroq o'ladi. Xamirni yelim xaltaga solamiz va 1 soatga sovutgichga olib qo'yamiz.
Tingan xamirni olib, ikkita pergament qog'oz o'rtasiga qo'yib, yoyib olamiz (taxminan 5 mm qalinlikda).
Xamirni bir nechta joyini sanchiq bilan teshib olamiz va 190 C darajada qizigan pechga qo'yamiz.
Xamirni och tillarangga kirgunicha, taxminan, 15-18 daqiqa davomida pishirib olamiz. Xamirni uzoq vaqt pishirmang, aks holda qurib, qattiq bo'lib qopladi.
Pishgan xamirni olib, sochiq bilan o'rab qo'yamiz.
O'tkir pichoq yordamida xamir chetlarini tekislab kesib chiqamiz. Chetidan chiqqan xamir bo'laklari ustiga sepish uchun kerak bo'ladi.
Xamirga povidlo surtib chiqamiz. Teng ikkiga bo'lib, birini ikkinchisining ustidan qo'yamiz.
Chetidan ortganlarini esa maydalab, pishirig'imizning ustidan sepamiz.
Yoqimli ishtaha!
Yangidan yangi retseptlarni bizdan kutib qoling va bizning telegram kanalimizga albatta a'zo bo'ling.
