Kartoshkali turkcha burek

Kartoshkali turkcha burek

Taomlari:

    Masalliqlar:

    Yo’nalishlar

    Oila a’zolaringiz va yaqinlaringizni mana bunday mazali va nafis ta’mli turkcha burek pishirig’i bilan siylang.

    Agar buning uchun yetarlicha vaqt topolmasangiz, unda tayyor «yufka» xamiridan xarid qilib, foydalanishingiz mumkin. Yo’q, xamirni ham o’zim tayyorlayman desangiz, mana bu retsept sizga muntazir!

    Tayyorlaniladigan taomga taxminan  17 000 so’m sarf qilinadi.*

    *narxi manba chop etilgan vaqtgagina amal qiladi.

    Masalliqlar:

    600 gramm kartoshka
    150 gramm piyoz
    1 choy qoshiq quritilgan qalampir (paprika)
    bir nechta shoxcha shivit
    t'bga qarab tuz va murch
    bir chimdim achchiq qalampir
    100 millilitr o'simlik yog'i
    1 o'ram "Yufka" xamiri
    surtish uchun tuxum sarig'i
    sepish uchun kunjut
    Qadam 1
    Tugllandi

    Kartoshkani yuvib, po'stini archamiz. So'ng tuzli suvga solib, qaynatib olamiz. Pishgan kartoshkani ezib, pyure holatiga keltiramiz.

    Qadam 2
    Tugllandi

    Tovaga yog' quyib, yupqa to'g'ralgan piyozni solamiz va tillarangga kirgunicha qovurib olamiz.

    Qadam 3
    Tugllandi

    Pyurega qovurilgan piyoz, to'g'ralgan shivit va barcha ziravorlarni solib, aralashtirib olamiz.

    Qadam 4
    Tugllandi

    Yufka xamirlarini ikkiga bo'lib, har biriga yaxshilab yog' surtamiz. So'ng bir tomoniga kartoshkali pyuredan solib, ruletsimon shaklda o'rab chiqamiz.

    Qadam 5
    Tugllandi

    Ruletsimon xamirlarni yog'langan qolipga spiralsimon ko'rinishda taxlab chiqamiz. Shunda aylana shakl hosil bo'ladi.

    Pechni esa 190 C darajaga yoqib qo'yamiz.

    Qadam 6
    Tugllandi

    Burek ustidan tuxum sarig'i surtib, kunjutdan sepamiz va 40-45 daqiqa davomida pishirib olamiz.

    Yoqimli ishtaha!

    Yangidan yangi retseptlarni bizdan kutib qoling va bizning telegram kanalimizga albatta a'zo bo'ling.

    • O’rtacha
    • 190 C

    Share it on your social network:

    Or you can just copy and share this url

    Masalliqlar:

    600 gramm kartoshka
    150 gramm piyoz
    1 choy qoshiq quritilgan qalampir (paprika)
    bir nechta shoxcha shivit
    t'bga qarab tuz va murch
    bir chimdim achchiq qalampir
    100 millilitr o'simlik yog'i
    1 o'ram "Yufka" xamiri
    surtish uchun tuxum sarig'i
    sepish uchun kunjut
    oldingi
    Apelsinli qaylada pishirilgan go’shtli taom
    keyingi
    Karamelli olmali pirog

    Fikringiz