Batafsil fotoretsept: Uyda pishirilgan patirchalar
Masalliqlar:
-
125 millilitr iliq sut
-
125 millilitr iliq suv
-
0.5 choy qoshiq tuz
-
0.5 choy qoshiq shakar
-
1 osh qoshiq quruq xamirturush
-
500 gramm un
-
125 gramm eritilgan sariyog'
Yo’nalishlar
Sariyog’ bilan qorishtirilgan, mazali va mayin ta’mli issiqqina patirlar kimga ham yoqmaydi deysiz. Agarda siz avval bunday non mahsulotlaridan pishirib ko’rmagan bo’lsangiz, unda hozir ayni fursati!
Non uchun xamirni xohlasangiz bir kecha oldin tayyorlab, ertalabgi nonushtaga mazali patirlar pishirib oila a’zolaringizni xursand qilishingiz mumkin.
Masalliqlar:
| 125 millilitr iliq sut | |
| 125 millilitr iliq suv | |
| 0.5 choy qoshiq tuz | |
| 0.5 choy qoshiq shakar | |
| 1 osh qoshiq quruq xamirturush | |
| 500 gramm un | |
| 125 gramm eritilgan sariyog' |
Kerakli masalliqlarni tayyorlab olamiz.
Iliq sutga suv, shakar, tuz, xamirturushni solib aralashtiramiz.
Kattaroq idishga unni solamiz.
Unni o'rtasiga sutli aralashmamizni solamiz va ustini sochiq bilan yopib, 30 daqiqaga iliq joyga qo'yamiz.
So'ng un solingan idishni olamiz va ustidan eritilgan sariyog'ni solib yumshoqroq xamir qoramiz.
Xamirni ustini yopib, 1 soatga iliqroq joyga qo'yamiz.
Oshgan xamirimizni olib bo'laklarga bo'lamiz. Biz 4 ta bo'lakka bo'ldik, patirlarimiz kichikroq bo'ldi. Siz xohlasangiz 2 yoki 3 bo'lakka bo'lishingiz mumkin.
Xamir bo'lakchalaridan koptokchalar yasab olamiz va ustini yelim qog'oz bilan yopib, 30 daqiqaga tindirib qo'yamiz.
Kaft va barmoqlarimiz yordamida zuvalachalarimizning o'rtalarini bosib, doira shakliga keltiramiz. Nonni chtelari 3-4 sm qalinlikda, o'rtasi esa 1 sm qalinlikda bo'lsin.
Nonni chetlarini pichoq yoki qaychi yordamida kesib chiqamiz.
Tuxum sarig'i va ozroq sutni aralashtirib, nonni ustiga surtasiz.
Nonni o'rtasiga yaxshilab chakich urasiz, agarda chakich topolmasangiz, unda oddiy sanchiqdan ham foydalansangiz bo'ladi.
Ustini esa sedana sepib bezaysiz.
220 C darajada qizdirilgan gaz pechida qizargunicha pishirib olamiz. Yoqimli ishtaha!
Yangidan yangi retseptlarni bizdan kutib qoling va bizning telegram kanalimizga albatta a'zo bo'ling.
Masalliqlar:
| 125 millilitr iliq sut | |
| 125 millilitr iliq suv | |
| 0.5 choy qoshiq tuz | |
| 0.5 choy qoshiq shakar | |
| 1 osh qoshiq quruq xamirturush | |
| 500 gramm un | |
| 125 gramm eritilgan sariyog' |
2 Sharhlar Hide Comments
Ôxshamabdi
Zur chiqdi qanaqa yozilgan busa huddi wunaqa qildim