Videoretsept: jemli pirog
Masalliqlar:
-
400 gramm un
-
10 gramm qabartma (razrixlitel)
-
0,5 choy qoshiq vanil shakari
-
200 gramm sariyog'
-
2 ta tuxum
-
100 gramm shakar upasi
-
2 osh qoshiq sovuq sut
-
200 gramm rezavor mevalardan tayyorlanilgan jem
-
ustiga surtish tuxum
Yo’nalishlar
Desert uchun qumoq xamirdan tayyorlangan jemli pirogdan ortiq yana nima bo’lishi mumkin? Bugun biz sizlarga oddiy qumoq xamirdan qanday qilib, chiroyli pirog hosil qilish mumkinligini ko’rsatamiz.
Nafaqat dam olish kunlari, balki, ish kunlarida ham tayyorlasa bo’ladigan mazali desert.
Tayyor taomning taxminiy narxi – 37 000 so’m. *
narxi manba chop etilgan vaqtgagina amal qiladi.
Yangidan yangi retseptlar bilan birinchilardan bo’lib tanishishni xohlasangiz, unda bizning telegram kanalimizga albatta a’zo bo’ling.
Masalliqlar:
| 400 gramm un | |
| 10 gramm qabartma (razrixlitel) | |
| 0,5 choy qoshiq vanil shakari | |
| 200 gramm sariyog' | |
| 2 ta tuxum | |
| 100 gramm shakar upasi | |
| 2 osh qoshiq sovuq sut | |
| 200 gramm rezavor mevalardan tayyorlanilgan jem | |
| ustiga surtish tuxum |
Idishga elangan un, qabartma va vanil shakari solib, venchik yordamida aralashtiramiz.
Eslatma: elangan un xamirni mayinroq va do'mboq qiladi.
Unli massaga sariyog'ni qirg'ichdan o'tkazib, uvoq shakliga keltiramiz. So'ngra shakar upasini solamiz.
Unli masaning o'rtasida chuqurcha hosil qilib, sut va tuxum solib, xamir qoramiz.
Eslatma: un sizga ko'proqdek tuyilishi mumkin, ammo sut qo'shishga shoshilmang. Xamir qorish jarayonida sariyog' erib, bir xil massa hosil bo'ladi.
Hosil bo'lgan xamirni yopishqoq plyonkaga o'rab, 15 daqiqaga muzlatgichga yuboramiz.
Xamirni muzlatgichdan olib, 2 ga bo'lamiz (xamirning 1ta qismi ikkinchisidan kattaroq bo'lishi kerak, u pirogning asosi bo'ladi).
Asosini 0,5 sm qalinlikda yoyib, pergament qog'ozi bilan qoplangan gaz pechi patnisiga joylashtiramiz.
Yoyilgan xamir yonlarini uzunligi 4 sm, eni 1 sm keladigan tasmalarga kesib olamiz.
Kesilgan tasmalardan "o'rama" bo'rtik hosil qilish lozim, huddi videoda ko'rsatilganidek.
Pirogning o'rtasiga jem solib, tekkislaymiz.
Xamirning ikkinchi bo'lagini qalinligi 0,5 sm keladigan to'rtburchak shaklida yoyib, 1 sm keladigan tasmalar kesib olamiz.
Tasmalarni pirog ustiga panjara hosil qilib, terib chiqamiz.
Pirog ustiga tuxum surtib, 180 C darajada qizdirilgan gaz pechiga 25-30 daqiqaga yuboramiz.
Tayyor pirogni sovutib, shakar upasi sepamiz.
Yoqimli ishtaha!
Masalliqlar:
| 400 gramm un | |
| 10 gramm qabartma (razrixlitel) | |
| 0,5 choy qoshiq vanil shakari | |
| 200 gramm sariyog' | |
| 2 ta tuxum | |
| 100 gramm shakar upasi | |
| 2 osh qoshiq sovuq sut | |
| 200 gramm rezavor mevalardan tayyorlanilgan jem | |
| ustiga surtish tuxum |
