Shokolad pasta solib pishirilgan kranch
Masalliqlar:
-
500 gramm un
-
1 dona tuxum
-
10 gramm quruq xamirturush
-
100-120 gramm shakar
-
200 millilitr iliq sut
-
75 gramm yumshatilgan sariyog'
-
0.5 choy qoshiq tuz
-
1 choy qoshiq vanil shakari
-
150 gramm shokoladli pasta
Yo’nalishlar
Shokoladli kranch — bu juda mazali, shirin va yumshoqina pirog — rulet bo’lib, oshirma xamirdan tayyorlaniladi.
O’ziga xos tugish natijasida pirog ajoyib ko’rinish kasb etadi, shu bois ham pishirishda siz nafaqat mazali yegulikdan tanovvul qilasiz, balki estetik go’zallikdan ilhomlanasiz.
Kranch uchun xamirni oldindan tayyorlab qo’yish lozim, chunki xamir 5-7 soat, iloji bo’lsa, bir kecha sovutgichda turishi kerak.
Bizlar kranchni keksga mo’ljallangan qolipda pishirdik.
Tayyorlaniladigan yegulikka taxminan 30 000 so’m sarf qilinadi.*
*narxi manba chop etilgan vaqtgagina amal qiladi.
Masalliqlar:
| 500 gramm un | |
| 1 dona tuxum | |
| 10 gramm quruq xamirturush | |
| 100-120 gramm shakar | |
| 200 millilitr iliq sut | |
| 75 gramm yumshatilgan sariyog' | |
| 0.5 choy qoshiq tuz | |
| 1 choy qoshiq vanil shakari | |
| 150 gramm shokoladli pasta |
Tog'oraga elangan un, shakar va xamirturushni solib, aralashtirib olamiz.
Ustidan tuxum va iliq sutni solib, mikserning xamirga mo'ljallangan uchligida 5 daqiqa yaxshilab ko'pirtirib olamiz.
Tuz va yumshagan sariyog'ni solib, yana 3-4 daqiqa aralashtirib olamiz. Xamir silliq va suyuq holatga kiradi, un yana solishga shoshilmang.
Xamirni yog'langan tog'orachaga solib, ustini yelim xalta bilan yopamiz va ikki hissa ko'tarilguniga qadar, taxminan 1 soatga iliq joyga olib qo'yamiz.
Shuningdek, xamirni qorib bo'lgandan so'ng, uni sovutgichga olib qo'yish mumkin. Faqat pishirishdan yarim soat oldin, iliq joyga olib qo'yishning o'zi kifoya.
Oshgan xamirni teng ikkiga bo'lamiz va har birini 0.5 sm qalinlikda yoyib olamiz.
Har biriga shokoladli pastadan surtib, ruletga o'xshab o'rab chiqamiz.
Ruletsimon xamirlarni uzunasiga teng ikkiga bo'lib, so'ng xuddi soch o'rgandek, o'rab chiqamiz. Va aylana shaklga keltirib, keks qolipiga joylaymiz.
Bizlar ikkala xamirni ham ustma-ust qo'ydik.
Ustini yopib, ko'tarilishi uchun qoldiramiz.
So'ng sut va tuxum sarig'ini aralashtirib surtamiz. 180 C darajada qizigan pechda 35-40 daqiqa davomida pishirib olamiz.
Yoqimli ishtaha!
Yangidan yangi retseptlarni bizdan kutib qoling va bizning telegram kanalimizga albatta a'zo bo'ling.
Masalliqlar:
| 500 gramm un | |
| 1 dona tuxum | |
| 10 gramm quruq xamirturush | |
| 100-120 gramm shakar | |
| 200 millilitr iliq sut | |
| 75 gramm yumshatilgan sariyog' | |
| 0.5 choy qoshiq tuz | |
| 1 choy qoshiq vanil shakari | |
| 150 gramm shokoladli pasta |
