«Kivi-apelsin» limonadi
Masalliqlar:
-
4-5 ta kivi
-
1 ta olma
-
2 ta apelsin
-
2 ta limon
-
1 bogʻ yalpiz
-
2 litr suv
-
6 osh qoshiq shakar
Yo’nalishlar
Yozning chillasida juda asqotuvchi yaxna limonaddan tayyorlab koʻrishni tavsiya qilamiz. Bunday ichimlik noodatiy ta’mi va ajoyib koʻrinishi bilan barchaga yoqadi.
Shuningdek bu limonad С guruh vitaminiga boyligi sabab ham juda foydalidir.
Tayyorlaniladigan ichimlikka taxminan 27 000 soʻm sarf qilinadi.*
*narxi manba chop etilgan vaqtgagina amal qiladi.
Masalliqlar:
| 4-5 ta kivi | |
| 1 ta olma | |
| 2 ta apelsin | |
| 2 ta limon | |
| 1 bogʻ yalpiz | |
| 2 litr suv | |
| 6 osh qoshiq shakar |
Limon va apelsinni sharbatini siqib, qozonchaga quyamiz. Qolgan mevalarni poʻstini archib, mayda toʻrtburchak qilib toʻgʻraymiz va qozonchaga sharbatlarning ustidan solamiz.
Yalpizni bogʻi bilan solamiz va gazga qoʻyib, qaynash boshlaganidan 5 daqiqa davomida qaynatamiz.
Suyuqlikni doka roʻmoldan chiqarib, yana qozonchaga quyamiz.
Shakarni solib, gazga qoʻyamiz va shakar erigunga qadar qaynatamiz.
Ichimlikni sovutib, limon, apelsin, kivi va xohishga qarab, muz boʻlakchalari bilan birga dasturxonga tortamiz.
Yoqimli ishtaha!
