Batafsil fotoretsept: Turkcha paxlava
Masalliqlar:
-
Qiyomiga:
-
2 piyola shakar
-
2 piyola suv
-
5 tomchi limon sharbati
-
Xamiriga:
-
3 piyola un
-
2 ta tuxum
-
100 millilitr sut
-
100 gramm eritilgan sariyog'
-
bir chimdim tuz
-
1 osh qoshiq 9% li sirka
-
0.5 choy qoshiq qabartma
-
150 gramm kraxmal
-
Asosiga:
-
200 gramm maydalangan yong'oq
-
Ustiga:
-
100 gramm eritilgan sariyog'
-
bezatish uchun tozalangan xandon pista
Yo’nalishlar
Siz biron marta turkcha paxlavadan tayyorlab ko’rganmisiz? Unda shoshiling, biz bugun shunday ajoyib shirinlikdan tayyorladik. Og’izda erib ketuvchi bu shirinlik, sizning pazandachilik san’atidagi ochilmagan qirralaringizni ochib berishi shubhasiz!
Baklava deb nomlaniluvchi bu pishiriq turk oshxonasining eng sevimli shirinliklari qatoriga kirishi bejiz emasdir. Shunday ekan kelinglar, endi ishni boshlasak! Asosiysi, kayfiyatimizni ko’tarib olamiz, chunki yaxshi kayfiyat mazali taom garovi sanaladi!
Masalliqlar:
Qiyomiga: |
|
| 2 piyola shakar | |
| 2 piyola suv | |
| 5 tomchi limon sharbati | |
Xamiriga: |
|
| 3 piyola un | |
| 2 ta tuxum | |
| 100 millilitr sut | |
| 100 gramm eritilgan sariyog' | |
| bir chimdim tuz | |
| 1 osh qoshiq 9% li sirka | |
| 0.5 choy qoshiq qabartma | |
| 150 gramm kraxmal | |
Asosiga: |
|
| 200 gramm maydalangan yong'oq | |
Ustiga: |
|
| 100 gramm eritilgan sariyog' | |
| bezatish uchun tozalangan xandon pista | |
Qiyomni tayyorlab olamiz
Shakar bilan suvni aralashtirib, gaz pechi ustiga qo'yamiz, yaxshilab aralashtiramiz va qaynash darajasiga keltiramiz.
Qaynab chiqqanidan so'ng 5 tomchi limon sharbatidan tomizamiz va 10 daqiqa o'rtacha olovda qaynatamiz.
Tayyor qiyomni chetga olib qo'yamiz.
Endi esa xamirni tayyorlashga o'tamiz.
Idishga un, qabartma va tuzni solib aralashtirib olamiz.
So'ng ustidan eritilgan sariyog', sut, tuxum, sirkani solib o'rtacha yumshoqlikda xamir qoramiz.
Xamirni 24 ta bo'lakchalarga bo'lib olamiz va ustini yopib tindirib qo'yamiz
Xamirlarni olib, yaxshilab kraxmalga botiramiz va yoya boshlaymiz.
Likopcha kattaligida yoyib, xohlasangiz 3-4 tasini ustma-ust qo'yib, yupqa yoying.
Kraxmalga yaxshilab belab olsangiz, ular yopishmaydi.
Xamirlarni iloji boricha juda ham yupqa yoyamiz, qanchalik yupqa bo'lsa, shunchalik mazali chiqadi.
Gaz pechi patnisini yoki qolip olamiz va ichiga sariyog' surtib chiqamiz.
Xamirni 12 tasini qolipga ustma-ust terib chiqamiz.
12-qavat ustidan maydalangan yong'oqni sepamiz.
Yana qolgan 12 ta xamirlarni ham yoyib olamiz va ustma-ust terib chiqamiz.
Pishirig'imiz ustini pichoq bilan 4x4 sm kattalikda to'rtburchak shaklda kesib chiqamiz.
Ustidan eritilgan sariyog'ni iloji boricha hamma joyiga quyib chiqamiz.
Eslatma: eritilgan sariyog' ostida oqimtir modda, ya'ni uning qaymog'i hosil bo'ladi. Ana shu qaymog'ini iloji boricha ishlatmaslikka harakat qiling, aks holda u pishirish jarayonida qorayib qoladi va paxlavamizga chiroyli bo'lmagan ko'rinish baxsh etadi.
Paxlavamizni 180 C darajada qizdirilgan gaz pechida taxminan 40 daqiqa davomida pishirib olamiz.
Paxlava usti chiroyli och tillarangga kirsin, ko'proq pishirib yubormang.
Pishgan paxlavani qaynoqligida ustidan sirop quyamiz, xandon pistani maydalab ustini bezatamiz.
Paxlava qaylani shimib olgunicha chetga olib qo'yamiz.
Paxlavamizni olib dasturxonga tortishingiz mumkin, yoqimli ishtaha!
Yangidan yangi retseptlarni bizdan kutib qoling va bizning telegram kanalimizga albatta a'zo bo'ling.
Masalliqlar:
Qiyomiga: |
|
| 2 piyola shakar | |
| 2 piyola suv | |
| 5 tomchi limon sharbati | |
Xamiriga: |
|
| 3 piyola un | |
| 2 ta tuxum | |
| 100 millilitr sut | |
| 100 gramm eritilgan sariyog' | |
| bir chimdim tuz | |
| 1 osh qoshiq 9% li sirka | |
| 0.5 choy qoshiq qabartma | |
| 150 gramm kraxmal | |
Asosiga: |
|
| 200 gramm maydalangan yong'oq | |
Ustiga: |
|
| 100 gramm eritilgan sariyog' | |
| bezatish uchun tozalangan xandon pista | |
17 Sharhlar Hide Comments
Asal qoshilmidimi
Yo’q faqat shakarli qiyom qlib qoshasiz manimcha
Kraxmal bilan yoyish shartmi?
Assalomu aleykum! Ha kraxmal bilan yoysangiz, yoyish ham oson kechib, pishish jarayonida ham bir-biriga yopishib qolmaydi.
Qabartma razrexlitelmi?
Assalomu aleykum! Ha, razrixlitel’)
Xamirga tuxumni faqat sarigʻi solinadimi yoʻ oqiyam qoʻshiladimi
Assalomu aleykum! Xamirga 2 ta utun tuxum solinadi, ya’ni oqi va sarig’i birgalikda 🙂
Limon sharbati solish shartmi?
Assalomu aleykum! Ha solish kerak 🙂
Sut va qabartma iwlatmasa bóladimi
Assalomu alaykum. Yo’q, ushbu mahsulotlarni ishlatishingiz shart)
Assalom aleykum. Zira.uz loyihasi barchangizga Ramazon oyi muborak bulsin. Paxlava pishganda qavatlari ham yaxshi pishadimi yani hamir bulib qolmiydimi
Assalomu alaykum.Rahmat sizga ham Ramazon oyi qutlug’ kelgan bo’lsin. Xamir yupqa yoyilsa albatta yaxshi pishadi)
Raxmat.Albatta tayyorlab kuraman.Zira uz mening sevimli loyiham.Siz bilan haqiqiy pazandaga aylanyapman.Hammasi uchun raxmat.
Assalomu alaykum hamir likopchadan kattaroq qilib yoyilsin deyildi 24 qavati shunday bo’lsa patnis kattaligida chiqdiku…
Assalomu alaykum, uzr sovolizga tushunmadim