fbpx
Batafsil fotoretsept: «Spartak» torti

Batafsil fotoretsept: «Spartak» torti

Masalliqlar:

  • Korjiga:

  • Kremiga:

Yo’nalishlar

«Spartak» bu shokolad-asalli desert bo’lib, deyarli barchaga tanish va sevimli bo’lishga ulgurgan. Bunday tortni uy sharoitida qanday tayyorlash mumkinligi haqida hozir gapirib beramiz.

Tushunish oson bo’lishi uchun bu retseptni bizlar batafsil fotoretseptlari bilan sizlarga taqdim etamiz.

Quyidagi masalliqlar aylanasi 21-22 sm li qolipga mo’ljallangan.

Tayyorlaniladigan yegulikka taxminan 45 000 so’m sarf qilinadi.*

*narxi manba chop etilgan vaqtgagina amal qiladi.

Masalliqlar:

Korjiga:
350 gramm un
30 gramm kakao kukuni
150 gramm shakar
75 gramm suyuq asal
100 gramm sariyog'
2 ta tuxum
5 gramm iste'mol sodasi
5 gramm qabartma
Kremiga:
350 gramm quyultirilgan sut
250 gramm 15-20 % li smetana
200 gramm sariyog'
Qadam 1
Tugallandi

Barcha kerakli masalliqlarni tayyorlab olamiz.

Qadam 2
Tugallandi

Unni qabartma va kakao kukuni bilan aralashtirib olamiz.

Qadam 3
Tugallandi

Qulayroq idishga asal, sariyog', shakarni solamiz va gaz ustiga suv bug'iga qo'yamiz.

Qadam 4
Tugallandi

Eritilgan aralashmaga ko'pirtirilgan tuxumni solamiz va aralashtirib olamiz.

Qadam 5
Tugallandi

Iste'mol sodasini solib, yana 5-7 daqiqacha qaynatamiz.

Qadam 6
Tugallandi

So'ng shu suyuq aralashmani un va kakao ustidan solamiz va qo'lga yopishadigan xamir qorib olamiz.

Xamir qo'lga yopishadigan bo'ladi, sal sovigandan so'ng yopishqoqligi kamayadi. Shuning uchun ham un boshqa qo'shmaslik lozim.

Xamirni 15 daqiqa xona haroratida qoldiramiz.

Qadam 7
Tugallandi

Xamirni 8 ta bo'lakka bo'lamiz, oziq-ovqat pelyonkasi bilan yopib, 30 daqiqaga sovutgichga olib qo'yamiz.

Qadam 8
Tugallandi

Pergament qog'oz ustiga xamirni 2-3 mm qalinlikda yoyib olamiz, sanchiq bilan bir nechta joyini teshib chiqamiz.

Qadam 9
Tugallandi

170 C darajada qizdirilgan gaz pechida 5-7 daqiqa davomida pishirib olamiz.

Pishgan korjlarni qolip yordamida chetlarini kesib chiqib, yaxlit shakl beramiz.

Qadam 10
Tugallandi

Krem

Yumshagan sariyog' va quyultirilgan sutni mikserda yaxshilab ko'pirtirib olamiz.

Qadam 11
Tugallandi

So'ng smetanani solib, yana mikser qilib olamiz.

Qadam 12
Tugallandi

Korjlarni ustidan krem surtib, ustma-ust terib chiqamiz.

Tort chetlari va ustini ham qalin qilib krem surtib chiqamiz.

Qadam 13
Tugallandi

Ustini xohishga qarab bezatishingiz mumkin. Masalan, maydalangan korj, shokoladli glazur va boshqalar.

Qadam 14
Tugallandi

Tortni 5-6 soatga sovutgichga olib qo'yamiz.

So'ng olib, dasturxonga tortamiz.

Yoqimli ishtaha!

Yangidan yangi retseptlarni bizdan kutib qoling va bizning telegram kanalimizga albatta a'zo bo'ling.

Muallif: Sitora

  • O’rtacha

Share it on your social network:

Or you can just copy and share this url

Masalliqlar:

Korjiga:
350 gramm un
30 gramm kakao kukuni
150 gramm shakar
75 gramm suyuq asal
100 gramm sariyog'
2 ta tuxum
5 gramm iste'mol sodasi
5 gramm qabartma
Kremiga:
350 gramm quyultirilgan sut
250 gramm 15-20 % li smetana
200 gramm sariyog'
oldingi
Pishirilmaydigan olma-bananli chizkeyk
keyingi
Pekin karami va tovuq filesidan tayyorlangan salat

Izohingizni yozib qoldiring

Qo'shimcha imkoniyatlarga ega bo'lish uchun saytdan ro'yxatdan o'ting.