Qulupnayni to’g’ri muzlatish
Masalliqlar:
-
1 kilo qulupnay
-
500 gramm shakar
Yo’nalishlar
Afsuski, ha demay qulupnaylar mavsumi ham tugab qoladi. Biz bekajonlar esa bunday mazali rezavor meva bilan aslo xayrlashgimiz kelmaydi.
Qulupnayning foydali xususiyatlarini yo’qotmasdan qishga g’amlab qo’yish usuli bu uni muzlatib qo’yish sanaladi.
Maydalanib, shakar bilan aralshtirib qo’yiladigan qulupnay pishiriqlar pishirishda, quymoqlarga solishda yoki o’zini iste’mol qilishda juda qo’l keladi.
Tayyorlaniladigan bu shirinlikka taxminan 9 000 so’m sarflaymiz.*
*narxi manba chop etilgan vaqtgagina amal qiladi.
Qulupnayni sovuq suvda yuvib olamiz.
Qo'lda yoki pichoq yordamida dumchalarini uzib tashlaymiz.
Qulupnaylarni blender idishiga solamiz, ustidan shakar sepib, yaxshilab maydalaymiz.
Oxirigach maydalashingiz, yoki biroz butunligicha qoldirishingiz ham mumkin.
Shakarni qancha solishni ham ta'bingizdan kelib chiqqan holda belgilashingiz mumkin.
Aralshmani konteynerlarga solib, qopqog'ini yopamiz va muzlatgichga olib qo'yamiz.
Bunday usul keng muzlatgich sohibalariga to'g'ri keladi.
Agarda sizning muzlatkichingiz kichkina bo'lsa, lekin siz juda ham qulupnaydan muzlatib qo'yishni xohlasangiz, unda "zip-lok" usulida yopiladigan yelim paketchalardan foydalanishingiz mumkin.
Bunday paketlarni poytaxtimizdagi ko'pgina supermarketlardan topishingiz mumkin.
Ezilgan qulupnaylarni paketlarga solamiz, ortiqcha havosini chiqarib, uchini yopib qo'yamiz.
Muzlatgichga solib qo'yamiz.
Muzlatilgan qulupnaylarni eritish uchun, ularni 1-2 soat xona haroratiga qo'yish yetarli.
Bunday muzlatilgan qulupnaylarni muzlatgichda 12 oygacha saqlash mumkin.
Yangidan yangi retseptlarni bizdan kutib qoling va bizning telegram kanalimizga albatta a'zo bo'ling.
