Videoretsept: dangasa «Napoleon»
Masalliqlar:
-
1 litr sut
-
300 gramm shakar
-
4 ta tuxum
-
1 choy qoshiq vanilin
-
60 gramm un
-
60 gramm sariyog'
-
550 gramm tayyor qatlamali xamirturushsiz xamir
Yo’nalishlar
Tayyor xamirdan«Napoleon» nafaqat chiroyli balki juda mazzalidir. Qaynatilgan krem miqdori ko’pligi uni juda mayin ta’mli va shirin qiladi. Bu dangasa tort faqatgina mayin emas, balki qarsillagan bo’lishini istasangiz – qatlamali xamirturushsiz xamirni tanlang.
Tayyor taomning taxminiy narxi – 40 000 so’m.
*narxi manba chop etilgan vaqtgagina amal qiladi.
Yangi retseptlar bilan birinchilardan bo’lib tanishishni xohlasangiz, unda bizning telegram kanalimizga albatta obuna bo’ling.
Masalliqlar:
| 1 litr sut | |
| 300 gramm shakar | |
| 4 ta tuxum | |
| 1 choy qoshiq vanilin | |
| 60 gramm un | |
| 60 gramm sariyog' | |
| 550 gramm tayyor qatlamali xamirturushsiz xamir |
Krem tayyorlaymiz
Sutga shakar qo’shib, aralashtiramiz va o’rtacha olovga qo’yamiz.
Boshqa idishda tuxum, un va vanilinni aralashtiramiz.
Sekinlik bilan tuxumli massani issiq sutga qo’shamiz. Aralashtirishni to’xtatmaymiz.
Past olovga qo’yamiz. To’xtamasdan aralashtiramiz, yopishib qolmasligi uchun ayniqsa tova pastini aralashtiramiz. Qaynatilgan krem quyuqlashib qaynashni boshlashi bilan, olovdan olamiz.
Issiq kremga yumshoq sariyog’ni qo’shib, eriguncha aralashtiramiz.
Qaynatilgan kremni oziqa plyonkasi bilan berkitamiz. Krem sovuyotganda ustida plyonka hosil bo’lmasligi uchun oziqa plyonkasi kremga tegib turishi kerak. Shunday holda kremni xona haroratida sovugani qoldiramiz.
Qatlamlarni tayyorlaymiz
Xamirni eritib o’rtacha hajmdagi to’rtburchaklarga kesamiz.
Xamirchalarni pergament qog’ozi solingan patnisga teramiz va 190C gacha qizdirilgan pechda 15-20 daqiqa davomida qizartirib pishiramiz. Chiqarib sovutamiz.
Tortni yeg'amiz
Pishgan xamirni qo’l bilan qavatlarga bo’lamiz va biroz qismini bezak uchun qoldiramiz.
Sovugan krem ichiga xamirni qo’shamiz.
20 sm dimetrlik qolipga oziqa plyonkasini solamiz, qolip chetlarida ham plyonka qoldiramiz.
Tayyor massani qolipga solamiz. Ustini ham plyonkada berkitib sovutgichga 4-5 soatga qo’yamiz.
Sovugan tortni qolipdan chiqarib, xamir uvoqlari bilan bezatamiz va dasturxonga tortamiz. Tortni darrov iste’mol qilishni tavsiya etamiz, chunki uzoq muddat tursa xamir yumshoq bo’lib qoladi.
Yoqimli ishtaha!
