fbpx
Rovoch va merengali tart

Rovoch va merengali tart

Masalliqlar:

  • Asosiga:

  • Asosiga:

  • Merengasi uchun:

Yo’nalishlar

Merengali tartlar bizning jon-u dilimiz! Asos uchun rezavor mevalar eng mazalisi deb hisoblar edik va bugun uni rovochdan ham tayyorlab ko’rdik. Natijasi esa kutganimizdan ham ziyoda bo’ldi.

Qiziqarli bu retsept asosida siz ham pishirib ko’ring va yaqinlaringizni lol qoldiring! Agarda sizda rovoch bo’lmasa, unda o’rniga bemalol nordon olmadan soling.

Tayyorlaniladigan taomga taxminan 25 000 so’m sarf qilinadi.*

*narxi manba chop etilgan vaqtgagina amal qiladi.

Masalliqlar:

Asosiga:
200 gramm un
130 gramm muzdek sariyog'
1/4 choy qoshiq tuz
1/2 choy qoshiq qabartma
50 gramm shakar upasi
2 ta tuxum sarig'i
Asosiga:
300 gramm po'stidan tozalangan rovoch
100 gramm shakar
1 osh qoshiq makkajo'xori kraxmali
Merengasi uchun:
2 ta tuxum oqi
50 gramm shakar
bir chimdim tuz
Qadam 1
Tugallandi

Asosiga:

Tuxum oqini sarig'idan ajratib olamiz.

Qadam 2
Tugallandi

Tog'orachaga un, qabartma va tuzni elab solamiz. Shakar upasini solib, aralashtirib olamiz.

Qadam 3
Tugallandi

Muzdek sariyog'ni qirg'ichdan chiqarib solamiz, qo'lda yaxshilab, tezda aralashtirib olamiz.

Bunda sariyog' qo'l taftidan tezda erib ketmasligi uchun tez-tez qilinadi.

Qadam 4
Tugallandi

Tuxum sariqlarini solib, aralashtirib olamiz. Xamirni aylana shaklga keltirib, yelim xaltaga solamiz va 30 daqiqaga sovutgichga olib qo'yamiz.

Qadam 5
Tugallandi

Xamirni aylanasi 25 sm li kattalikda, yoki uzunchoq 35х11 sm kattalikda, 2-3 mm qalinlikda yoyib olamiz.

Tavsiya: xamirni ikkita pergament qog'oz o'rtasida yoysangiz, osonroq kechadi.

Xamirning ortqicha chetki qismlarini kesib tashlaymiz, chetlarini o'rtasidan balandroq qilib olamiz. So'ng sanchiq bilan bir nechta joyini teshib, 15 daqiqaga muzlatgichga olib qo'yamiz.

Qadam 6
Tugallandi

Asosiga:

Rovochni po'stidan tozalab, to'rtburchak shaklda yoki 1-1.5 sm qalinlikda parrak qilib to'g'rab olamiz.

Qadam 7
Tugallandi

Tog'orachaga rovoch, shakar va kraxmalni solamiz. Aralashtirib olamiz.

Qadam 8
Tugallandi

Aralashmani sovigan xamir ustidan solamiz.

Qadam 9
Tugallandi

190 C darajada qizdirilgan pechda 25-30 daqiqa davomida pishirib olamiz.

Qadam 10
Tugallandi

Pirogni pechdan olib, biroz sovutib olamiz.

Qadam 11
Tugallandi

Tuxum oqlariga tuz sepib, mikserda ko'pirtirib olamiz. Ko'pirtirishnni to'xtatmay, ozroq tuz sepamiz. Qattiq ko'pik hosil bo'guniga qadar ko'pirtiramiz.

Qadam 12
Tugallandi

Rovochli asos ustidan ko'pirtirilgan tuxum oqini pishiriq qopchasi yordamida shakl berib chiqamiz.

Qadam 13
Tugallandi

200 C darajada qizdirilgan pechda 10-12 daqiqa davomida pishirib olamiz.

Yoqimli ishtaha!

Yangidan yangi retseptlarni bizdan kutib qoling va bizning telegram kanalimizga albatta a'zo bo'ling.

Muallif: Sitora

  • O’rtacha

Share it on your social network:

Or you can just copy and share this url

Masalliqlar:

Asosiga:
200 gramm un
130 gramm muzdek sariyog'
1/4 choy qoshiq tuz
1/2 choy qoshiq qabartma
50 gramm shakar upasi
2 ta tuxum sarig'i
Asosiga:
300 gramm po'stidan tozalangan rovoch
100 gramm shakar
1 osh qoshiq makkajo'xori kraxmali
Merengasi uchun:
2 ta tuxum oqi
50 gramm shakar
bir chimdim tuz
oldingi
Videoretsept: meksikancha usulda pishirilgan tovuq
keyingi
Rezavor mevalardan bilan qilingan kremli «Angelskiy» ruleti

Izohingizni yozib qoldiring

Qo'shimcha imkoniyatlarga ega bo'lish uchun saytdan ro'yxatdan o'ting.