Qulupnay va rovochdan pishirilgan pirog
Masalliqlar:
-
150 gramm margarin yoki sariyog'
-
300 gramm un
-
8 osh qoshiq muzdek suv
-
1 choy qoshiq limon sharbati
-
bir chimdim tuz
-
Asosiga:
-
200 millilitr smetana
-
2 ta tuxum
-
100 gramm shakar
-
200 gramm po'stidan tozalangan rovoch
-
200 gramm qulupnay
-
1 choy qoshiq vanil shakari
Yo’nalishlar
Rovochdan pirog tayyorlash mumkinligi haqida bilasizmi? Bugun siz ana shunday juda mazali pirog retseptidan xabardor bo’lasiz.
Bu pirogni tayyorlash juda oson bo’lib, sizdan ko’p vaqtni talab qilmaydi, ajoyib ta’mi esa sizga albatta yoqadi!
Bu pirogni pishirishda biz aylanasi 26 sm li qolipdan foydalandik.
Pishirilgan taomga sarflaniladigan pul taxminan — 17 000 so’m.*
*mahsulot narxi manba chop etilgan vaqtdagina amal qiladi.
Masalliqlar:
| 150 gramm margarin yoki sariyog' | |
| 300 gramm un | |
| 8 osh qoshiq muzdek suv | |
| 1 choy qoshiq limon sharbati | |
| bir chimdim tuz | |
Asosiga: |
|
| 200 millilitr smetana | |
| 2 ta tuxum | |
| 100 gramm shakar | |
| 200 gramm po'stidan tozalangan rovoch | |
| 200 gramm qulupnay | |
| 1 choy qoshiq vanil shakari | |
Tog'orachaga un va tuzni solamiz. Sariyog'ni qirg'ichdan chiqaramiz va ustidan solamiz. Qo'lda yaxshilab aralashtiramiz.
Oz-ozdan muzdek suv va limon sharbati solib, xamir qora boshlaymiz.
Xamir shar shakliga kirsa, yelim qog'ozga solamiz va sovutgichga 1 soatga olib qo'yamiz.
So'ng xamirni olib, 3-4 mm qalinlikda yoyamiz va kerakli qolipga joylashtiramiz. Chetlari xamirni balandroq bo'lishi kerak, shunda ichidagi asos oqib ketmaydi. Iloji bo'lsa, tartlarga mo'ljallangan qolipdan foydalanamiz.
Xamirni ustidan pergament qog'oz to'shaymiz va ustiga "yuk" qo'yib pishiramiz, shunda xamir ko'tarilmay, bir tekis bo'lib pishadi. Bunda no'xat yoki loviyadan foydalansak bo'ladi.
190 C darajada qizdirilgan gaz pechida 15 daqiqa, so'ng yukni olib tashlab, 5 daqiqa pishirib olamiz.
Smetana, tuxum, vanil va shakarni kattaroq idishga solib, ko'pirtirib olamiz.
Qulpnayni dumchalaridan, rovochni po'stidan tozalab, o'rtacha bo'laklarga bo'lib chiqamiz va pishgan xamirimiz ustiga qo'yib chiqamiz. Ustidan smetanali aralashmani quyamiz.
180 C darajada qizdirilgan gaz pechida 30-40 daqiqa davomida pishirib olamiz. Pishganidan so'ng olib sovutamiz va dasturxonga tortamiz. Yoqimli ishtaha!
Yangidan yangi retseptlarni bizdan kutib qoling va bizning telegram kanalimizga albatta a'zo bo'ling.
Masalliqlar:
| 150 gramm margarin yoki sariyog' | |
| 300 gramm un | |
| 8 osh qoshiq muzdek suv | |
| 1 choy qoshiq limon sharbati | |
| bir chimdim tuz | |
Asosiga: |
|
| 200 millilitr smetana | |
| 2 ta tuxum | |
| 100 gramm shakar | |
| 200 gramm po'stidan tozalangan rovoch | |
| 200 gramm qulupnay | |
| 1 choy qoshiq vanil shakari | |
