Bolalar oshxonada: Xamirli qopchadagi olmalar
Masalliqlar:
-
160 gramm un
-
bir chimdim tuz
-
2 osh qoshiq o'simlik yog'i
-
80 millilitr iliq suv
-
4-5 ta olmachalar
-
4-5 choy qoshiq jem
Yo’nalishlar
Bolalar bilan tayyorlash bu qiziqarli mashg’ulot bo’lib, ularga bir olam quvonch bag’ishlashi aniq.
Bu retseptda tortiluvchan, o’ziga xos xamirdan foydalanamiz. Bunday xamirdan odatda paxlava va shtrudellar tayyorlashishadi. Bizlar esa bugun bunday xamirdan olmali qopchalar tayyorlaymiz.
Tayyorlaniladigan pishiriqqa taxminan 6 000 so’m pul sarflaniladi.*
*narxi manba chop etilgan vaqtgagina amal qiladi.
Masalliqlar:
| 160 gramm un | |
| bir chimdim tuz | |
| 2 osh qoshiq o'simlik yog'i | |
| 80 millilitr iliq suv | |
| 4-5 ta olmachalar | |
| 4-5 choy qoshiq jem |
Og'irroq tog'orachaga unni solamiz (xamir qorish bolalarga osonroq bo'ladi), tuz sepib, o'rtasiga 1 osh qoshiq o'simlik yog'i va iliq suvni solamiz.
Muhim! Tuz sepishni unutmang, u xamirga o'zgacha ta'm va cho'ziluvchanlik bag'ishlaydi.
Yana bir muhim holat: pazandachilikda iliq suv 36-42 С haroratdagi suv hisoblanadi.
Xamirni avval sanchiq bilan aralashtirib oling.
Stolga un sepamiz va xamirni qo'yib, qo'lda mushtlab olamiz.
Xamirni qayta tog'orachaga solamiz va qolgan yog'ni ustiga surtamiz.
Ustini pelyonka bilan yopishni unutmaymiz.
Olmachalarni yuvib, artamiz.
Dumchalari va ichidagi danaklaridan tozalab olamiz.
Xamirdan yong'oqdan sal kattaroq bo'lagini ajratib olamiz va un sepilgan stolga qo'yib yupqa yoyib olamiz.
Yoyayotganda xamirni har zamon ag'darib tursak, u yopishib qolmaydi.
Yoygan xamirni olib, qo'lda tortib cho'zamiz.
Yoyilgan xamirni stol ustiga qo'yamiz va qalin chetlarini kesib tashlaymiz.
Chetidan chiqqan xamirdan uzun lentachalar yasab olamiz.
Yoyilgan xamir ustiga olmachalardan qo'yib, olmalarning ichiga 1 choy qoshiqdan jem solamiz.
Xamirning uchlarini tepaga qilib birlashtiramiz va uzun lenta yordamida bog'lab olamiz.
So'ng ularni pergament qog'oz to'shalgan patnisga teramiz va 180 C darajada qizdirilgan gaz pechiga qo'yib, 30 daqiqa davomida pishirib olamiz.
Sovutamiz va iste'mol qilamiz. Yoqimli ishtaha!
Masalliqlar:
| 160 gramm un | |
| bir chimdim tuz | |
| 2 osh qoshiq o'simlik yog'i | |
| 80 millilitr iliq suv | |
| 4-5 ta olmachalar | |
| 4-5 choy qoshiq jem |
