Atirgulli kapkeyklar
Masalliqlar:
-
2-3 ta qizil olmaqizil rangli olmalar bo'lsin. Yana shunga ahamiyat qaratingki, olmalar vazni og'irroq bo'lsin, yengil olmalar biz kutgan natijani bermaydi
-
yarimta limon
-
1 dona dolchin tayoqchasi
-
360 millilitr suv
-
3 osh qoshiq o'rikli jem
-
qolipga surtish uchun sariyog'
Yo’nalishlar
Tayyorlanilishi oddiy, ko’rinishi esa juda nafis atirgulli kapkeyklarimiz kutilmagan mehmon kelgan vaqtda juda ham as qotadi.
Bunda bizlar tayyor qatlamali xamirdan tayyorlashimiz, pishirish jarayonini osonlashtiradi. Batafsil fotoretseptlarimizdan esa hatto yosh bolalar ham ko’rib, tayyorlashlari mumkin.
Masalliqlar:
| 2-3 ta qizil olma | |
| yarimta limon | |
| 1 dona dolchin tayoqchasi | |
| 360 millilitr suv | |
| 3 osh qoshiq o'rikli jem | |
| qolipga surtish uchun sariyog' |
Olmalarni yuvib quriting. Agar olmalar mushtingizdan katta bo'lsa, to'rtga, agar kichikroq bo'lsa, unda ikkiga bo'ling. O'rtasini tozalab, danagidan ajrating. 2-3 millimetr qalinlikda parrak qilib to'g'rab oling.
Olmalarni idishga soling, ustidan limon sharbatini solib aralshtiring.
Limon sharbati sepilgan olmalarni sirlangan biron idishga solamiz, dolchin tayoqchasini va suv solamiz. Gaz plita ustiga qo'yamiz, o'rta olovda qaynash darajasiga keltiramiz. Qaynashni boshlagach 2-3 daqiqa davomida qaynatamiz va so'ng olib, suvini to'kib tashlaymiz. Sovutamiz.
Gaz pechini 180°C darajagacha qizdiramiz. Tayyor qatlamali xamirni qalinligi 2 mm da yoyamiz. Ko'ndalagini esa to'rtta barmoq qalinligida kesib chiqamiz.
Tovaga o'rikli jem va 60 ml suv solamiz. Gaz plita ustiga qo'yib, 3-5 daqiqa davomida qaynatamiz, so'ng olib sovutamiz. Qaynatish jarayonida muntazam aralashtirib turishni unutmaymiz.
Maffinlarga mo'ljallangan qolipga sariyog' surtib chiqamiz va qog'ozdan qilingan qolipchalarni joylashtirib chiqamiz.
Xamir bo'laklariga jem surtib chiqamiz. Olmalarni xamirning ustiga qo'yib chiqamiz. Bunda olmalarning po'stli tomoni yuqorida bo'lib, xamirdan sal teparoqda bo'lishi kerak. Xamirning pastki qismini esa olmalarning ustiga buklab chiqamiz. So'ng bir chetidan buklab chiqsak, xamirimiz atirgul ko'rinishiga kiradi.
Atirgullarni qoliplarga qo'yib, 30-35 daqiqa davomida 180 C darajada pishirib olamiz. Ta'bga qarab, shakar upasi va qyalpiz yaproqchalari bilan bezatamiz. Yoqimli ishtaha!
Yangidan yangi retseptlarni bizdan kutib qoling va bizning telegram kanalimizga albatta a'zo bo'ling.
Masalliqlar:
| 2-3 ta qizil olma | |
| yarimta limon | |
| 1 dona dolchin tayoqchasi | |
| 360 millilitr suv | |
| 3 osh qoshiq o'rikli jem | |
| qolipga surtish uchun sariyog' |
1 Sharhlar Hide Comments
ажойиб албатта пишириб куришим керак