«Alfredo» qaylali pasta

12 Yanvar, 2018

Quyuq taomlar

Taomlari:

italyan

Masalliqlar:

400 gramm xohlagan turdagi pasta
masalan: fettuchuni yiki talyatelle
300 millilitr yog'li qaymoq
20 gramm sariyog'
100 gramm parmezan pishlog'i
yoki xohlagan sifatli qattiq pishloq
1 tishcha sarimsoqpiyoz
yoki sarimsoqpiyoz kukuni
yarim bog' petrushka
ta'bga qarab tuz va murch

Yo’nalishlar

Pishloq o’shib tayyorlangan Alfredo qaylali pasta Amerikadagi eng sevimli italyancha pastalardan biri hisoblanadi. Ayniqsa, bu taom gollivud yulduzlarinining ko’nglidan joy olgan.

Bu taom juda to’yimli bo’lib, bu ovqatni yeb kun bo’yi to’q yurasiz. Betakror ta’mga ega bu taomni albatta tayyorlab ko’ring va biz bilan birga italiya oshxonasiga sayohat qiling.

3 637

Masalliqlar:

Portsiya:

	400 gramm xohlagan turdagi pasta masalan: fettuchuni yiki talyatelle
	300 millilitr yog'li qaymoq
	20 gramm sariyog'
	100 gramm parmezan pishlog'i yoki xohlagan sifatli qattiq pishloq
	1 tishcha sarimsoqpiyoz yoki sarimsoqpiyoz kukuni
	yarim bog' petrushka
	ta'bga qarab tuz va murch

Qadam 1

Tugallandi

Bu ovqatni tayyorlashda qayla bilan pastani bir vaqtda tayyorlash juda katta ahamiyatga ega.

Qadam 2

Tugallandi

Pishloqni qirg'ichning kichkina tishchasidan o'tkazamiz va chetga olib qo'yamiz.

Qadam 3

Tugallandi

Sariyog'ni tovaga solib eritib olamiz.

Sariyog' ustidan sarimsoqpiyozni suvini siqib chiqaramiz.

Ehtiyot bo'ling, sariyog' bilan sarimsoqpiyozni kuydirib yubormang, biroz qizdirib olsangiz yetadi.

Qadam 4

Tugallandi

Sariyog' ustidan qaymoqni solib, sal quyuqlashgunicha taxminan 5 daqiqa davomida qaynatiladi.

Qadam 5

Tugallandi

Qayla quyuqlashni boshlaganda pishloqni ustidan solamiz. Agar pishloq sifatli bo'lsa, u darhol eriydi.

Bezatish uchun pishloqdan ozroq olib qo'ying.

Ta'tib ko'ring, ehtiyojga qarab tuz va murch qo'shing.

Olovni pasaytirib, kovlab turamiz.

Qadam 6

Tugallandi

Lapshani al-dente usulida qaynatib olamiz, ya'ni usti yumshoq, ichi esa biroz qattiqroq, yaxshi pishmagan bo'ladi.

Pishgan lapshani chovliga solib suvidan xalos qilamiz, faqatgina 1 piyola suvini olib qo'yamiz.

Qadam 7

Tugallandi

Agarda qayla juda quyuq bo'lsa, unda ta'bga qarab lapsha qaynagan suvdan qo'shing.

Pastani tovadagi qaymoq-pishloqli qayla ustiga solamiz, ustidan to'g'ralgan petrushka solib yaxshilab aralashtiramiz. Tayyor ovqatni dasturxonga tortishingiz mumkin!

Yangidan yangi retseptlarni bizdan kutib qoling va bizning telegram kanalimizga albatta a'zo bo'ling.

Muallif: Sitora

15 daqiqa
Portsiya 4
O’rtacha

Masalliqlar:

Portsiya:

	400 gramm xohlagan turdagi pasta masalan: fettuchuni yiki talyatelle
	300 millilitr yog'li qaymoq
	20 gramm sariyog'
	100 gramm parmezan pishlog'i yoki xohlagan sifatli qattiq pishloq
	1 tishcha sarimsoqpiyoz yoki sarimsoqpiyoz kukuni
	yarim bog' petrushka
	ta'bga qarab tuz va murch