Videoretsept: Ideal darajadagi kartoshkali pyure

14 Avgu, 2019

Masalliqlar:

1 kilo kartoshka
800 millilitr suv
10 gramm tuz
50-60 gramm sariyog'
150 millilitr sut
yoki 10% li qaymoq

Yo’nalishlar

Kartoshkani qaynatib, uni ezib maydalashdan osonrog’i bormi? Oddiy tayyorlaniladigan kartoshkali pyureni bir vaqtning o’zida ham mazali, ham bemaza bo’lib pishishiga aynan o’zimiz sababchi bo’lamiz.

To’g’ri tayyorlashning bir necha qoidalari mavjud bo’lib, agarda shu qoidalarga amal qilsangiz, unda har safar ajoyib ta’mli pyure bilan yaqinlaringizni xursand qilishingiz mumkin.

Sariyog’ va sut — pyurening ideal darajada chiqishini ta’minlaydigan muhim masalliqlar hisoblanadi.

Tayyorlaniladigan yegulikka taxminan 12 000 so’m sarf qilinadi.*

*nnarxi manba chop etilgan vaqtgagina amal qiladi.

4 380

Masalliqlar:

	1 kilo kartoshka
	800 millilitr suv
	10 gramm tuz
	50-60 gramm sariyog'
	150 millilitr sut yoki 10% li qaymoq

Qadam 1

Tugallandi

Kartoshkalarni po'stini archib, ikkiga bo'lib chiqamiz. Kichikroq kartoshkalarni bo'lish shart emas.

Tavsiya: Kartoshka qanchalik katta to'g'ralsa, u qaynash jarayonida shunchalik kam kraxmal sarflaydi va pyure yopishqoq bo'lib pishishini oldini oladi.

Qadam 2

Tugallandi

Suvni qozonga quyib, gazga qo'yamiz. Qaynab chiqqanidan so'ng kartoshkalarni solamiz. Yana qayta qaynaganda tuz sepamiz.

Qadam 3

Tugallandi

Olovni pasaytirib, 20-25 daqiqa davomida pishirib olamiz. So'ng suvini to'kib tashlaymiz.

Qadam 4

Tugallandi

Kartoshkalar ustidan xona haroratidagi sariyog'ni solamiz va ezib maydalaymiz.

Muhim: pyureni hech qachon mikser yoki blenderda maydalamang. Aks holda momiq pyuredan cho'ziluvchan va shilimshiq aralashma hosil bo'ladi.

Qadam 5

Tugallandi

So'ng esa oz-ozdan iliq sut yoki suyuq qaymoq quyib, aralashtirib chiqamiz. To'g'ralgan ko'katlar sepib, go'sht, kolbasa yoki o'zini dasturxonga tortamiz.

Yoqimli ishtaha!

Yangidan yangi retseptlarni bizdan kutib qoling va bizning telegram kanalimizga albatta a'zo bo'ling.