«Zebra» fitnes-chizkeyki
Masalliqlar:
-
Korjiga:
-
100 gramm suli parchalari
-
1 dona olma
-
1 ta tuxum
-
Asosiga:
-
500 gramm tvorog
-
3 ta banan
-
2 osh qoshiq kakao
-
15 gramm jelatin
Yo’nalishlar
Parhezbop shirinliklar nafaqat foydali, balki mazali ham bo’lishi mumkin! Shulardan biri sanalmish banan va tvorogli desert retseptini siz azizlarimizga ham taqdim etamiz.
Tayyorlaniladigan salatga taxminan 17 000 so’m sarf qilinadi.*
*narxi manba chop etilgan vaqtgagina amal qiladi.
Masalliqlar:
Korjiga: |
|
| 100 gramm suli parchalari | |
| 1 dona olma | |
| 1 ta tuxum | |
Asosiga: |
|
| 500 gramm tvorog | |
| 3 ta banan | |
| 2 osh qoshiq kakao | |
| 15 gramm jelatin | |
Korji
Blender yoki qahvamaydalagichga suli parchalarini solamiz va maydalab, kukunsimon holatga keltiramiz.
Alohida idishga esa olma va tuxumni chaqib solamiz va blenderda buni ham maydalab olamiz.
Suli uni va olmali pyureni birlashtirib olamiz. Aralashtiramiz.
Cheti ochiladigan, aylanasi 18-20 sm li qolip olamiz va pergament qog'oz to'shaymiz. Xamirni solib, 180 C darajada qizigan pechda 15 daqiqa davomida pishirib olamiz.
Asosiga
Tvorog bilan bananni blenderda ezib maydalab olamiz.
Yarim stakan suvga jelatinni solib, eritib olamiz va tvorogli massaga quyamiz. Sal suyuqroq bo'lishi uchun yana 100-150 ml suv quyamiz.
Aralashmani teng ikkiga bo'lamiz va bir qismiga kakao solib, aralashtirib olamiz.
Ikki xil aralashmani 1 osh qoshiqdan navbati bilan korj ustidan quyib chiqamiz. So'ng 2 soatga sovutgichga olib qo'yamiz.
So'ng o'tkir pichoq bilan qolipidan ajratib olamiz.
Foydali shirinlik ham tayyor, yoqimli ishtaha!
Yangidan yangi retseptlarni bizdan kutib qoling va bizning telegram kanalimizga albatta a'zo bo'ling.
