Uy sharoitida popkorn tayyorlash
Masalliqlar:
-
50 gramm makkajo'xori doni
-
10 gramm sariyog'
-
bir chimdim tuz
Yo’nalishlar
Oila davrasida popkorn yeb, biron bir film tomosha qilish qanday yaxshi! Buning uchun sizga makkajo’xori doni, mikroto’lqinli pech va 5 daqiqa bo’sh vaqtning o’zi kifoyadir.
Makkajo’xori donini bozorlardan topishingiz mumkin, faqat sotuvchilardan qaysi turi popkorn tayyorlashga mo’ljallanganini so’rashni unutmang!
Siz uyda ta’bingizdan kelib chiqqan holda, shirin, sho’rroq, karamelli va hattoki shokoladli popkorn ham tayyorlashingiz mumkin.
Popkorn tayyorlash uchun sizga mikroto'lqinli pechga mo'ljallangan, chidamli qopqoqli idish kerak bo'ladi.
Idishga bir qavat qilib makkajo'xori urug'larini solamiz.
Iloji bo'lsa, bu urug'larni popkorn tayyorlashdan oldinroq salqinroq joyda yoki sovutgichda saqlasangiz, tayyorlash jarayonida ular yaxshiroq ochiladi.
Donlarning ustidan sariyog'ni solasiz.
Idishni qopqog'ini yopasiz va 3-3.5 daqiqaga 1000 Vt ga mikroto'lqinli pechga yo'llaysiz.
Tayyorlash jarayonida balandroq tovushlar chiqishi mumkin, bu oddiy holat.
Tayyor popkornni olamiz, tuz sepib aralashtiramiz va iste'mol qilamiz. Yoqimli ishtaha!
Yangidan yangi retseptlarni bizdan kutib qoling va bizning telegram kanalimizga albatta a'zo bo'ling.
