Banoffi – banan va karamelli pirog
Masalliqlar:
-
250 gramm pechenyepesochnoe
-
120 gramm sariyog'
-
200 millilitr tuzli karamel
-
2 dona banano'rtacha
-
250 millilitr yog'li qaymoq
-
1 osh qoshiq shakar kukuni
-
1 choy qoshiq vanil ekstrakti
Yo’nalishlar
Banoffi – bu inglizcha, pishirishni talab qilmaydigan juda mazali pirog. Karamel va bananlarning betakror uyg’unligi, ustidagi ko’pirtirilgan qaymoqli kremi bilan yuragingizdan joy olishi aniq.
Bu pishiriq uchun kerak bo’luvchi tuzli karamelni bir kun oldin tayyorlab qo’ysangiz yaxshiroq bo’ladi, chunki turgan karamel yanada mazaliroq chiqadi. Bunday karamelni tayyorlashni biz sal oldinroq ko’rsatib bergan edik. Agar karamel tayyor bo’lsa, unda qolganiga bor yo’gi 15 daqiqa vaqtingiz ketadi.
Qanchalik o’zimizni bu shirinlikni darhol yeyishdan tiyish qiyin bo’lsada, ammo shunga majburmiz. Faqat 4-5 soat sovutgichda saqlanganidan keyingina bu shirinlikni kesamiz va dasturxonga tortamiz.
Masalliqlar:
| 250 gramm pechenye | |
| 120 gramm sariyog' | |
| 200 millilitr tuzli karamel | |
| 2 dona banan | |
| 250 millilitr yog'li qaymoq | |
| 1 osh qoshiq shakar kukuni | |
| 1 choy qoshiq vanil ekstrakti |
Pechenyeni blenderda ezamiz, agarda blender bo'lmasa unda o'qloq yordamida maydalaymiz.
Pechenyeni xohishga qarab tanlayvering - shokoladli, sariyog'li farqi yo'q.
Sariyog'ni eritib, pechenyeni ustiga solamiz.
Bir xil holatga kirgunicha aralashtiramiz.
Aylanasi 18 sm li qolip olamiz va tagiga pergament qog'oz to'shaymiz.
Pechenyeli aralashmani qolipga joylaymiz.
Qolipni chetlariga ham xuddi rasmdagidek pechenyedan qotirib chiqamiz.
Pechenyeli qolipni bir soatga sovutgichga qo'yamiz, agar shoshilayotgan bo'lsangiz, unda 15-20 daqiqaga muzxonaga qo'ying.
So'ng olib ustidan karamelli qayla surtammiz va ustini tekislaymiz.
Keyin to'g'ralgan bananlarni ikki qator qilib terib chiqamiz.
Muzdek qaymoqni olib shakar upasi va vanil ekstrakti solamiz va yaxshilab ko'pirtiramiz. Ustida gul hosil bo'lsa krem tayyor bo'lgan hisoblanadi. (Agarda siz shirinroq krem chiqishini xohlasangiz, unda ko'proq shakar upasidan foydalaning).
Bananlarni ustiga pishiriq qopchasi yordamida krem chiqarib bezatiladi.
Shirinlikni 4-5 soatga sovutgichga qo'yamiz, iloji bo'lsa bir kechaga qoldirsangiz juda a'lo bo'ladi.
Tayyor shirinlikni qolipidan xalos etamiz va dasturxonga tortamiz. Yoqimli ishtaha!
Yangidan yangi retseptlarni bizdan kutib qoling va bizning telegram kanalimizga albatta a'zo bo'ling.
Masalliqlar:
| 250 gramm pechenye | |
| 120 gramm sariyog' | |
| 200 millilitr tuzli karamel | |
| 2 dona banan | |
| 250 millilitr yog'li qaymoq | |
| 1 osh qoshiq shakar kukuni | |
| 1 choy qoshiq vanil ekstrakti |
