Tvorogli pechenyelar
Masalliqlar:
-
200 gramm tvorog
-
100 gramm sariyog'
-
150 gramm un
-
10 gramm qabartma
-
1 choy qoshiq vanil
-
bir chimdim tuz
-
8 osh qoshiq shakar
Yo’nalishlar
Bugun sizlarga nihoyatda mayin va mazali tvorogdan pishiriladigan pechenyelarni tayyorlashni tavsiya qilamiz. Usti qarsildoq, ichi esa qat-qat bu pishiriqlar sizga albatta yoqadi!
Quyidagi masalliqlarimizdan esa 16-18 dona pechenyelar hosil bo’ladi.
Masalliqlar:
| 200 gramm tvorog | |
| 100 gramm sariyog' | |
| 150 gramm un | |
| 10 gramm qabartma | |
| 1 choy qoshiq vanil | |
| bir chimdim tuz | |
| 8 osh qoshiq shakar |
Tvorog va yumshagan sariyog'ni idishga solib, sanchiq bilan ezib chiqamiz.
Agar tvorog juda ham yo'g'on bo'lsa, unda uni blender yordamida maydalang.
Unni belab oling va ustidan qabartmani ham soling.
Tvorogni ustidan unli aralashmani oz-ozdan solasiz.
Yumshoq, lekin qo'lga yopishmaydigan xamir qoramiz.
Un kamroq yoki ko'proq ham ketishi mumkin, bu tvorogga ham bog'liq.
Xamirni oziq-ovqat pelyonkasiga o'rab, 40-60 daqiqaga sovutgichga qo'yamiz.
So'ng xamirni olib, 3 mm qalinlikda yoyib olamiz.
Aylana qolipcha yordamida xamirni kesib chiqamiz. Qolipchaning aylanasi taxminan 9 sm bo'lishi kerak.
Likopchaga shakar solamiz va xamirchalarni bir tomonini shakarga bulg'ab olamiz. So'ng shakarli tomonini ikkiga bukamiz.
So'ng ularni har birini yana ikkiga bukamiz.
Bir tomonini shakarga botirib olamiz va pergament qog'oz to'shalgan patnisga shakarli tomonini ustiga qilib, terib chiqamiz.
Pechenyelarni 200 C darajada qizdirilgan gaz pechida 12-15 daqiqa davomida pishirib olamiz.
Pechenyelarni gaz pechi panjarasiga qo'yib sovutamiz. Yoqimli ishtaha!
Yangidan yangi retseptlarni bizdan kutib qoling va bizning telegram kanalimizga albatta a'zo bo'ling.
