Videoretsept: beze va o’rikli pirog
Masalliqlar:
Yo’nalishlar
Ishtahaochar, mazali va bayramona ko’rinishga ega beze va o’rikli pirog. Uning uchun ham xamir, ham nachinka, ham merenga tayyorlash kerakligiga qaramay, barcha qadamlar juda tez b aoson tayyorlanadi, natijasi esa sizni hayratda qoldiradi.
Tayyor taomning taxminiy narxi – 35 000 so’m.
*narxi manba chop etilgan vaqtgagina amal qiladi.
Yangi retseptlar bilan birinchilardan bo’lib tanishishni xohlasangiz, unda bizning telegram kanalimizga albatta obuna bo’ling.
Masalliqlar:
Xamir tayyorlaymiz
Tuxum sarig’i bilan shakarni mikser yordamida ko’pirtiramiz.
Yumshoq sariyog’ qo’shib yana ko’pirtiramiz.
Un bilan qabartma qo’shib yumshoq xamir qoramiz. 15 daqiqaga sovutgichga qo’yamiz.
Nachinka tayyorlaymiz
O’rikni danagidan tozalab kubik shaklida to’g’raymiz.
Xamirni 2 ta pergament qog’ozi orasiga qo’yib 0,5 sm qalinlikda xamir yoyamiz.
Xamirni qolipga solib, chetlarini biroz ko’tarib shakllantiramiz.
Xamirni sanchqi bilan teshib, ustiga nachinka solamiz.
Pirogni 180C gacha qizdirilgan pechga 20 daqiqaga qo’yamiz.
Merenga tayyorlaymiz
Tuxum oqini ko’pik holatigacha ko’pirtiramiz.
Oz-ozdan shakar upasi qo’shib yaxshilab ko’pirtiramiz.
Pirogni duxovkadan chiqarib, ustiga merengani solib tekkislaymiz.
170C darajada 10 daqiqa davomida, so’ng 130C darajada 20-30 daqiqa pishiramiz.
Pirogni pechdan chiqarib butunlay sovutamiz.
Yoqimli ishtaha!
